MUNGSHIKHÜN 30:5 - AMÜSÜH HÜM CL Bible (BSI)

⁵ Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 30:5 Iomraidhean Croise

THRÜNTAN 32:24

Judüki Jakob alangzü aninga lakheah; tüsho mihtsürü khülangnü ayinkhi khiungde api bede shochih.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 103:9

Apinü lünnü isa kheak müshochih, yungsho lünnü api bukakhiukkhi muzo.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 145:10

Nü rhimobo alalanü nü shibah, O Atungpuh , tüsho nü yo amüsührünü nü shibah.

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 46:5

Ju kiuto ching Thrünpuh lah, tüsho ju küyimkishe müthsümünim; yapsu mükikde ju rungpü api arübah.

MUNGSHIKHÜN 47:7

Tümüde Thrünpuh a alomi alala kiulongthsürü ah; anikhitkhinü mungshikhün thsang.

MUNGSHIKHÜN 59:16

Tüshe inü nü sühmüh dünkheak khün thsübah; nü muzhodakkhi dünkheak inü yapsu achangnü khün thsübah. Tümüde nü I thsungkheak chipi tüsho I lümthsünü nimung ching I tsoyukpung ah.

MUNGSHIKHÜN 63:3

Tümütüsho nü muzhodakkhi ju rhangdung kheaknü atsübe, I münküpbonü nü shijihbah.

MUNGSHIKHÜN 97:12

Atungpuh lung asühachihang, nüsa thiyuro-lungkirü, tüsho api amüsüh mung lümkhitde makshe jihang.

ABEKHIT 3:15

Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 26:20

Arang, I mihtsürü, nü yo khiungshak ching yüzahang, tüsho nü dunglim ripitbo rihang; bukakhiukkhi muhoyi khiungde anükhühkheak nü jikang.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

MATHI 5:4

Mitriprübo asühpü, tümüde arübo mulong shukheambah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.