MUNGSHIKHÜN 30:4 - AMÜSÜH HÜM CL Bible (BSI)

⁴ Atungpuh shikhi khün thsang, nüsa api yo amüsührübo, tüsho api amüsüh wung lümkhitde makshe jihang.

MUNGSHIKHÜN 30:4 Iomraidhean Croise

1 KIUTHSÜYUKHEAN 16:4

Amushupü, makshe jihpü, tüsho Atungpuh Israel Thrünpuh shishihpü thsüde apinü Levirü khürü Atungpuh sangdan miki tankihrübo moyuk.

MUNGSHIKHÜN 107:20

Apinü api yu yüshih tüsho arü thsüngu, tüsho arü thsümünimpübo chingnü arübo bekhit.

MUNGSHIKHÜN 132:9

Nü yo amükeamrübonü thiyuro-lungki yihshang, tüsho nü yo amüsührünü asühachihde shoshang.

MUNGSHIKHÜN 148:14

Tüsho apinü api mihtsürü juh shuhkihdo, api amüsührü alalanü ashijihkhi– api thüninde alakhi mihtsürü, Israel tsührübo. Atungpuh shiang!

MUNGSHIKHÜN 28:1

O Atungpuh , I tsungdorü, inü nü ki jichoh; inü ajikhi anijang, nünü I ki malojihsho Ashe-lomi ching yüzahrü bolung I labah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

MUNGSHIKHÜN 50:5

Laksah-a kingaünkhi jihde I kilim tangzüng thsürü athülünkhi I mihtsürübo I ki mukhungang.

MUNGSHIKHÜN 86:13

Tümüde I kilim nü amüthsüm ju ato ah, tüsho Ashe-lomi asük chingnü nünü I me bekhit.

MUNGSHIKHÜN 97:12

Atungpuh lung asühachihang, nüsa thiyuro-lungkirü, tüsho api amüsüh mung lümkhitde makshe jihang.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

1 SAMUEL 2:6

Atungpuhnü laksahchoh tüsho rhangdung lashihchoh; apinü Ashe-lomi ching beyukchoh tüsho asürüloshihchoh.