MUNGSHIKHÜN 30:3 - AMÜSÜH HÜM CL Bible (BSI)

³ O Atungpuh , nünü I Ashe-lomi chingnü bekhit, alokhün ching müyüzahshihde I rhangdung laloshih.

MUNGSHIKHÜN 30:3 Iomraidhean Croise

JOB HU H T ANYU 33:28

Apinü I me shingkung ching yüzahpü chingnü rhokhit, tüsho I rhangdungnü ayin ngübah.”

MUNGSHIKHÜN 107:20

Apinü api yu yüshih tüsho arü thsüngu, tüsho arü thsümünimpübo chingnü arübo bekhit.

MUNGSHIKHÜN 116:8

Tümüde nünü ashekhi chingnü I me, chikebo chingnü I mükbo, tüsho akeamkhi chingnü I jingbo bekhit.

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

MUNGSHIKHÜN 28:1

O Atungpuh , I tsungdorü, inü nü ki jichoh; inü ajikhi anijang, nünü I ki malojihsho Ashe-lomi ching yüzahrü bolung I labah.

MUNGSHIKHÜN 56:13

Tümüde nünü I me ashekhi chingnü, tüsho I jing alungkhi chingnü bekhit, junangde rhangdung ayinatrüm ching inü Thrünpuh miki tsahbah.

MUNGSHIKHÜN 71:20

Nü, shepünü I ki küpkhukbo ato tüsho achimudo huhkheanü I sühmüh laloshihbah, tüsho alo asükbo chingnü I belode atubah.

MUNGSHIKHÜN 86:13

Tümüde I kilim nü amüthsüm ju ato ah, tüsho Ashe-lomi asük chingnü nünü I me bekhit.

ISAIA 38:16

O Atungpuh , ha hode mihtsürü lachoh, tüsho harü alala ching I rhangdung lah. O, I phü tsüloshang tüsho I rhangdung lashang!