MUNGSHIKHÜN 30:1 - AMÜSÜH HÜM CL Bible (BSI)

¹ O Atungpuh , inü nü shijihbah, tümüde nünü I shuhkih, tüsho I riribo I kurungkheak masühachihshih.

MUNGSHIKHÜN 30:1 Iomraidhean Croise

2 SAMUEL 20:3

Davidnü Jirusalem ching api yam lim arü; tüsho kiulongthsüpuhnü thüyam kümpü lashihkhi hanniube 10 lu, tüsho arübo thüyam ching aheangshih, tüsho apinü arü kheak munung. Jumonü arübo ashe khiungde khimoberü nangde rihdoa la.

2 SAMUEL 24:25

Davidnü ju kheak Atungpuh kilim kingaün sadam thsü, tüsho taka kingaünkhi le mungtsü kingaünbo jih. Jumonü apinü lomi thsungkheak tamkhüntamnükhi Atungpuhnü alojih, tüsho arüm ju Israel chingnü tukloabah.

2 SAMUEL 5:11

Tair kiulongthsüpuh Hiramnü yunithsürübo, cedar sangbo, sangrhimosorü tüsho lungzünrü bebah David yam thsüpü yüshih.

2 SAMUEL 6:20

Davidnü api yamkhün müngühjihpü alode yü. Tüshe Saul tsührü Mikalnü api shorupü akhiukbah tha, “Khihni Israel kiulongthsüpuhnü küdükhüh she nihbuh zangrü wüntre jihcho, makharü mihtsürü khürünü nihbuh zangrü achih ngüa lukhi nangde, nihbuh yamlaberübo mük ki khihni azangrü achih ngüa ludo!”

2 SAMUEL 7:2

kiulongthsüpuhnü Nathan wukihrü ki tha, “ Kheakü kheahang, I cedar sang yam ching lachoh, tüshe Thrünpuh sangdan a khimyam ching lah.”

1 KIULONG THSÜRÜ 8:63

Solomonnü moshipung 22,000 tüsho namfimihnu 120,000 Atungpuh kilim laksah-a mungtsü kingaün jih. Jumonü kiulongthsüpuh tüsho Israel mihtsürü alalanü Atungpuh yam müsükhit.

1 KIUTHSÜYUKHEAN 21:6

Tüshe apinü akhekhi ching Levi tüsho Benjamin müthsüru, tümüde kiulongthsüpuh yukhümnü Joab kilim mümülü.

MUNGSHIKHÜN 13:4

I ririnü athabah, “Inü api kukdo”; tüsho I keamchoki I riribo asühachihbah.

MUNGSHIKHÜN 140:8

O Atungpuh , mihbukmuyuknü akünkhi dümülüjih; api mihbukmuyuk lümkhi düpeangshangshih, jude yungsho arübo shuhkihbah.

MUNGSHIKHÜN 145:1

Inü nü shuhkihbah, I Thrünpuh, O kiulongthsüpuh; tüsho inü lünnü lün nü mung shibah.

MUNGSHIKHÜN 25:2

O I Thrünpuh, nü kheak inü kinchoh, I achih düngüshih; I riribonü I dükukshih.

MUNGSHIKHÜN 27:6

Tüsho kheakü I zündoa lakhi I riribo kumung I ku shuhkihbah; asühde zhide inü api arüngyam ching shuhmülanga kingaünkhibo jihbah; inü khün thsübah, inü Atungpuh shibah.

MUNGSHIKHÜN 28:9

Nü mihtsürü khümkhitang, tüsho nü yamrüplurüp müngühjang; nü arü neakrü thsang tüsho lünnü arü kümang.

MUNGSHIKHÜN 35:19

Akeangyu tharü I riribonü I kurungkheak dasühachihshih; yungsho amütsan mülade I thraneanrünü mük dathrapshih.

MUNGSHIKHÜN 41:11

Arünü I kurungkheak akuk müngü, tüsho nünü I kheak asühlah de inü amükheahbah.

MUNGSHIKHÜN 66:17

I münnü inü api ki zhi, tüsho I mulonü api shijih.

MUNGSHIKHÜN 79:10

“Arü Thrünpuh küching la” de tümü thsüpü trükshihbonü athashihpü? Nü yamlarübo thiyih bukkhi royimkhi isa mikinü trükshih bolung mükheahshang.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

TÜZHOKHI 2:15

Limro tsahhorü alalanü nü kheak arü khahbo damchoh; arünü Jirusalem tsührübe kheak ish thsüchoh tüsho ku lukchoh; “ Khiukdahde akhamkhi de ajikhi kiuto alomi alala asühbe thsü ha a de?”

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

YUZÜNGTHALO 20:5

“Judüki atorübonü mihtsürübo ki thabah: Mihtsürü khürünü nihbuh yam aso thsübah mümüsühkhityide la shi? Api thüyam lim alode yüshang, jude yungsho api keochih ching shebah tüsho mihtsürü püpürünü ju müsükhitbah.