MUNGSHIKHÜN 3:8 - AMÜSÜH HÜM CL Bible (BSI)

⁸ Akhümkhit ju Atungpuh yo ah; nü müngühmühi nü mihtsürübo kheak lah.

MUNGSHIKHÜN 3:8 Iomraidhean Croise

2 SAMUEL 23:12

Tüshe apinü a ju dangpung phulung ching zhipbah tsunglo, tüsho Filistiarü laksah; tüsho Atungpuhnü akuk ngükhi ato handarüjih.

MUNGSHIKHÜN 119:94

I nü yo ah, I khümkhitang; tümüde inü nü yukhümbo yimdo.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 31:16

Nü yamlarü kheak nü miro yinshang; nü muzhodakkhi ching I khümkhitang.

MUNGSHIKHÜN 58:7

Arübo ke bukde atsokhi nangde dükheakshang; arübo rim nangde jungnakshang tüsho yiuhabahshang.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 9:20

Arübo treshang, O Atungpuh ! Trükshihbonü arü ju mihtsürü ah de mükheahshang!

MÜCHITMUDU 21:31

Khora ju thirithsü nimung thsungkheak thsakhamlah, tüshe akuk ngükhi ju Atungpuh yo.

ISAIA 43:11

I, I Atungpuh ah, tüsho I hobah akhümkhitrü she müla.

JEREMIA 3:23

Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

HOSEA 13:4

Tütüshe Ijip lomi chingnü I Atungpuh nü Thrünpuh thsüde arüchoh; nünü tümü Thrünpuh mümükheah tüshe I ah, tüsho I hobah akhümkhitrü she müla.

JONA 2:9

Tüshe inü makshe-jihkhi düsheaknü nü ki laksah-a kingaünbah; tümü inü thiyuchihchimkheanü inü ajihbah. Akhümkhitpü ju Atungpuh yo ah!”

WÜHKHE 10:35

Tüsho tangzüng sangdan shuhakhinchoki Mosanü tha, “O Atungpuh , asürang tüsho nü riribo hiumüzütshang, tüsho nü mükheahnerü nü müngüh tsoshang.”

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

IBRI 6:14

“Atsütsü inü nü müngühjihbah tüsho wüh bushihbah.”

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

AMIKHEAKAKHIUKKHI 19:1

Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo,

AMIKHEAKAKHIUKKHI 7:10

tüsho düsheak achangnü zhi, “Akhümkhit ju kiulongthsü-binkiu kheak binbuh isa Thrünpuh, tüsho Namfimihnunu yo ah!”