MUNGSHIKHÜN 29:2 - AMÜSÜH HÜM CL Bible (BSI)

² Atungpuh müretahkhi mung shiang; amüsüh akhamdakkhi ching Atungpuh kingaünang.

MUNGSHIKHÜN 29:2 Iomraidhean Croise

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 90:17

Atungpuh isa Thrünpuh jaktsü isa kheak lashang, tüsho isa thsungkheak isa khahnü arhimokhi rünkihshang; am, isa khah rhimo rünkihshang.

MUNGSHIKHÜN 96:6

Wüntre tüsho wüntre-müretah api miki lah; sühmüh tüsho jaktsü api arüngakopung lah.

MUNGSHIKHÜN 97:9

Tümüde Atungpuh , nü alomi alala kurungkheak changlah; nü a thrünpuhbo alala kumung shuhkih-a lah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.