MUNGSHIKHÜN 28:7 - AMÜSÜH HÜM CL Bible (BSI)

⁷ Atungpuh ju I sühmüh tüsho I tsung; api kheak I mulongnü kinchoh tüsho I arung ngüa lah; jumonü I mulong tode asühchoh, tüsho khün thsüde inü api shibah.

MUNGSHIKHÜN 28:7 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

MUNGSHIKHÜN 13:5

Tüshe inü nü amüthsüm ching kinchoh; I mulongnü nü akhümkhit ching asühchoh.

MUNGSHIKHÜN 13:6

Inü Atungpuh ki khün thsübah, tümüde apinü I ki tsüde lado.

MUNGSHIKHÜN 19:14

I mün ching thiyubo tüsho I mulong ching lümkhibo nü miki aleangkhikhukbe kamshang, O Atungpuh , I tsoyukpung tüsho I rhokhitrü.

MUNGSHIKHÜN 21:1

Nü sühmüh ching kiulongthsüpuh asühchoh, O Atungpuh ; tüsho nünü akuk ngüshihkhi ching api küdükhüh tode asühba!

MUNGSHIKHÜN 22:4

Isa bebuhrünü nü kheak kin; arünü kin tüsho nünü arü bekhit.

MUNGSHIKHÜN 28:8

Atungpuh ju api mihtsürü sühmüh, api ju api yo mujude-mokhitkhi akhümkhit tsoyukpung ah.

MUNGSHIKHÜN 3:3

Tüshe O Atungpuh , nü I tsungdojihrü, I müretah, tüsho ku dukoshihrü ah.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 33:21

Api kheak isa mulong asühlah, tümütüsho isanü api amüsüh mung ching kinchoh.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 40:3

Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

MUNGSHIKHÜN 43:2

Tümüde nü a I sühmüh Thrünpuh ah; tümüde nünü I bahyukkhea? Tümüde I ririnü junode I tüzhopü?

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 46:2

Jumonü alomi lahkhitkhit she, tüsho awungbo ju keto ching hande yüyü she isanü mütre;

MUNGSHIKHÜN 69:30

Inü khün thsüde Thrünpuh mung shibah, tüsho makshe jihde api müretahbah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 91:4

Apinü nü api moghidungbonü alüpdobah, tüsho api ghidükeangbo khüp nü tsoyukbah; api yo thiyuro ju nü tsung tüsho tsungnini thsübah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

EFISIA 6:10

Akheamde, Atungpuh tüsho wuto sühmüh ching düküngang.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,