MUNGSHIKHÜN 28:4 - AMÜSÜH HÜM CL Bible (BSI)

⁴ Arü mihbukmuyuk rhimo yande arü ki jihang; arü khah rhimo yande arü thsümüchiang; arünü athülünkhi arü kheak rhimoang.

MUNGSHIKHÜN 28:4 Iomraidhean Croise

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

EZRA 9:13

Jurü alala isa münean tüsho amülim dünkheak dünjialalashe, isanü mükheahlah, isa Thrünpuhnü isa kheak thülünkhi kheaknü nükde thsümüchido tüsho isa khürü rhangdung lashih.

MUNGSHIKHÜN 103:10

Apinü isa neakbo yande mürhimo, yungsho isa amülimbo yande müthsümüchi.

MUNGSHIKHÜN 21:10

Nünü arü münü alomi kheaknü tüsho arü tsührü mihtsürü tsührü bolungnü dükheakshihbah.

MUNGSHIKHÜN 5:10

Arü mülimkhi thakhitjang, O Atungpuh ; arü rük thsükhinü arü keamshang; arünü alakmihkhi ahihdo dünkheak arü yankhitang, tümüde arünü nü azhihdo.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

TÜZHOKHI 3:64

O Atungpuh , arü khahnü arhimokhi yande arü rhimobo dünkheak jihloang!

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

2 TIMOTHI 4:14

Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah.

AMIKHEAKAKHIUKKHI 18:6

Anihbenü ajihkhi nangde anihbe ki jihang; tüsho anihbe rhimobo dün alü thsüde athrihloang; anihbe khilim alü thsüde müküpde pung ching dungyukjang.

AMIKHEAKAKHIUKKHI 22:12

“Kheahang, mihbüm aban apinü arhimokhi dün jihpü I thsambah hanbah I nahde arüchoh.