MUNGSHIKHÜN 28:2 - AMÜSÜH HÜM CL Bible (BSI)

² Inü arung thsungkheak nü ki zhide, nü amüsüh arüngyam lim I khah chungkihchoki, inü amushukhi düsheak sojang.

MUNGSHIKHÜN 28:2 Iomraidhean Croise

1 KIULONG THSÜRÜ 6:19

Atungpuh tangzüng sangdan zopü thüyam lung ching apinü alungbe arüngyam thsakham.

1 KIULONG THSÜRÜ 6:5

Khuhto khiungshak tüsho arüngyam alunglim yande apinü dukhukimpü thsü, ju ching arheanglim akhiungshakbo lakheah.

1 KIULONG THSÜRÜ 8:38

tümüpürü tamkhüntamnü, yungsho zhoshekhi langzü yungsho nü mihtsürü Israel alalanü arü mulong ching thsümüchi lakhi mükheahde ha yam lim arü khah chungkihbanü;

2 KIUTHSÜYUKHEAN 6:13

Solomonnü müwayinchi thsangyupung sadam ashanglim khahnap 5, atolim khahnap 5, tüsho achanglim khahnap 3nü thsü tüsho ju sadam kheak zo; tüsho ju kheak api zhip. Jushu apinü Israel amukhungrü athrünkhi miki amukhuknü khukning, tüsho api khahbo thüning lim chungkih.

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 130:2

Atungpuh , I düsheak sojang! Inü amushukhi düsheak lim nü nükhünbo yukde anijang.

MUNGSHIKHÜN 134:2

Arüngakopung ching nüsa khahbo shuhkihang, tüsho Atungpuh shiang.

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MUNGSHIKHÜN 140:6

Inü Atungpuh ki tha: Nü I Thrünpuh; inü amushukhi düsheak sojang, O Atungpuh .

MUNGSHIKHÜN 141:1

Atungpuh , inü nü ki zhichoh; I kilim niokheamang! Inü nü ki zhichoki I düsheak anijang.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

MUNGSHIKHÜN 143:6

Inü nü kilim I khahbo chungkihchoh; akung lo nangde I menü nü mürheangchoh.

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MUNGSHIKHÜN 63:4

Junangde I lakhi khiungde nü shijihbah; nü mung ching inü I khah shuhkihbah.

TÜZHOKHI 2:19

Aheangpü tankihchoki azhing ching asürang, zhiang! Atungpuh miki ke nangde nü mulong bukkhitang! Nü tsührübo rhangdung lapü thsungkheaknü api ki nü khah shuhkihang, sherübo akhümkhinü kiudunglimro mungyean aban lungcho.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

DANIEL 6:11

Arübonü arü tüsho Danielnü api Thrünpuh miki mihmüthsüm kheangde tüsho tamkhüntamnüde ngü.

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;