MUNGSHIKHÜN 28:1 - AMÜSÜH HÜM CL Bible (BSI)

¹ O Atungpuh , I tsungdorü, inü nü ki jichoh; inü ajikhi anijang, nünü I ki malojihsho Ashe-lomi ching yüzahrü bolung I labah.

MUNGSHIKHÜN 28:1 Iomraidhean Croise

JOB HU H T ANYU 33:28

Apinü I me shingkung ching yüzahpü chingnü rhokhit, tüsho I rhangdungnü ayin ngübah.”

MUNGSHIKHÜN 142:1

Inü I düsheaknü Atungpuh ki zhichoh; I düsheaknü inü Atungpuh ki mushuchoh.

MUNGSHIKHÜN 142:2

Inü I atsangkhi api ki lude arüchoh; inü I küpkhuk api miki thachoh.

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 22:2

O I Thrünpuh, animuro inü zhichoh, tüshe nünü malojih, tüsho are zhichoh tüshe sühakhim müla.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 30:4

Atungpuh shikhi khün thsang, nüsa api yo amüsührübo, tüsho api amüsüh wung lümkhitde makshe jihang.

MUNGSHIKHÜN 30:9

“I alokhün ching yüzahsho, I shekhi ching tümü alü la? Asungthulungnü nü shiba de? Junü nü thiyuro lakhi thaba de?

MUNGSHIKHÜN 35:22

O Atungpuh , nünü ha ngüdo; zhikde düla. O Atungpuh , I kheaknü limshude düla.

MUNGSHIKHÜN 39:12

I tamkhüntamnü sojang, O Atungpuh , tüsho I tripkhi anijang; I tripchoki zhikde düla. Tümüde I a nü lung I buh pürü nangde jaksorü, tsotsahrü khülang ah.

MUNGSHIKHÜN 42:9

I tsungdojihrü, I Thrünpuh ki inü athabah, “Tümüde nünü I mih-a la? Tümüde I ririnü junokhinü I tüzhode ayüba?”

MUNGSHIKHÜN 5:2

Inü azhikhi düsheak sojang, I kiulongthsüpuh tüsho I Thrünpuh, tümüde inü nü ki tamkhüntamnüchoh.

MUNGSHIKHÜN 69:15

Kekingnü I düzhidoshih, yungsho asüknü I dümuyushih; tüsho alokhünnü I kumung amün dükhimdoshih.

MUNGSHIKHÜN 77:1

Inü I düsheaknü Thrünpuh ki zhi; tüsho apinü I ki sojih.

MUNGSHIKHÜN 83:1

Malande düla, O Thrünpuh; nü mungtsü dütholo, tüsho zhikde düla, O Thrünpuh!

MÜCHITMUDU 1:12

isanü arübo arhangnü Ashe-lomi nangde tüsho alokhün ching abümnü yüzahrü nangde muyuanü;

ISAIA 26:4

Lünnü Atungpuh kheak kinang, tümüde Atungpuh T H RÜ NPU H ju akheam mülakhi Lung ah.

ISAIA 38:18

Tümüde Ashe-lominü nü ki makshe müjihkhuk, ashekhinü nü müshikkhuk; sherü shingkung ching yüzahchonü nü thiyuro dünkheak mulong mülamkhuk.

AMIKHEAKAKHIUKKHI 20:3

tüsho trükshihbo mümülapyukshihpü thsüde api ju alokhünbit ching jipyukbah rih tüsho yümdo. Ju dunglim api ju anükhüh thsungkheak dükhepü lah.