MUNGSHIKHÜN 27:9 - AMÜSÜH HÜM CL Bible (BSI)

⁹ I kheaknü nü miro düjik, nü yamlarü bukakhiukde dütsoshih; nü I rungrü lakheah. I dübahjih yungsho dübahyuk O I akhümkhit Thrünpuh!

MUNGSHIKHÜN 27:9 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

MUNGSHIKHÜN 102:2

I küpkhuk nimung nü miro I kheaknü düjik; I kilim nü nükhün muphoang; inü nü ji nimung I ki niokheamde alojang.

MUNGSHIKHÜN 102:3

Tümüde I nimungbo mokhüh nangde kheamabahchoh, tüsho I robo mokin nangde aniuchoh.

MUNGSHIKHÜN 119:121

Inü thiyuro tüsho thiyuro-lungki rhimodo; I junorübo kilim I dübahjih.

MUNGSHIKHÜN 13:1

O Atungpuh , külokhüh nünü lünnü I mihabahba? Külokhüh I kheaknü nü miro jikba?

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MUNGSHIKHÜN 24:5

Atungpuh kilimnü api müngühmühi tüsho api akhümkhit, Thrünpuh kilimnü thiyuro-lungki leangkhibah.

MUNGSHIKHÜN 44:24

Tümüde nü miro ramcho, tüsho isa thsünü le junokhi mihcho?

MUNGSHIKHÜN 51:11

Nü mikinü I yana dütsoshih, tüsho I kheaknü me amüsüh lude dütsojih.

MUNGSHIKHÜN 69:17

Tüsho nü yamlarü kheaknü nü miro düjik, tümüde I küpkhuk ching lah; niokheamde I ki anijang.

MUNGSHIKHÜN 69:18

I me thüninde arang tüsho ju rhokhitang; I riribo kheaknü I bekhitang.

MUNGSHIKHÜN 88:1

O Atungpuh , I akhümkhit Thrünpuh, inü animung tüsho are nü ki zhido.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

ISAIA 59:2

Ju yungde, nü neakbonü nü le nü Thrünpuh dükeak rhübo lah, tüsho nü neakbonü api miro nü kheaknü jikshihlah, junangde apinü muso.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

1 SAMUEL 7:12

Judüki Samuelnü lung khülang lubah Mizpa tüsho Shen dükeak khim, tüsho ju Ebenezer de ji; tümüde apinü tha, “ Ha khiungde Atungpuhnü isa rungdo.”