MUNGSHIKHÜN 27:6 - AMÜSÜH HÜM CL Bible (BSI)

⁶ Tüsho kheakü I zündoa lakhi I riribo kumung I ku shuhkihbah; asühde zhide inü api arüngyam ching shuhmülanga kingaünkhibo jihbah; inü khün thsübah, inü Atungpuh shibah.

MUNGSHIKHÜN 27:6 Iomraidhean Croise

THRÜNTAN 40:13

Nimung mahsam dükeak chingnü Pharaonü nü dükhebah tüsho akhuhlim nünü api pung-jihrü thsükhi nangde nünü api khah ching pung jihbah.

THRÜNTAN 40:20

Kheakü nimung mahsampü ching, Pharao zübe nimung apinü anihbuh yamlarü alala thsungkheak thünio thsakham; tüsho apinü pung-jihrü azopü le yikhap-takrü azopü büne api yamlarübo miki bedarü.

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

2 SAMUEL 22:49

shepünü I riri kheaknü I bekhit; nünü I azhihrü kurungkheak I shuhkihjih, nünü I thiyih bukpü chingnü bekhit.

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

2 KIULONG THSÜRÜ 25:27

Jehoiakin Juda kiulongthsüpuh ramtso ching yükhi kam samrükheak thünepü, khinu thürükheak mahne, nimung mukukheak thüne nipü Evil-merodak Babilon kiulongthsüpuh api kiulongthsü tankih kam Jehoiakin Juda kiulongthsüpuh rihyam chingnü dükhe;

1 KIUTHSÜYUKHEAN 22:18

“Atungpuh nüsa Thrünpuh nüsa lung müla de? Apinü thrip abande nüsa kilim mungtsü müjih de? Tümüde apinü lomi ching larübo I khah ching jihdo; tüsho lomi ju Atungpuh le api mihtsürü müngüh khenoa lah.

MUNGSHIKHÜN 107:22

Arünü makshe jihde laksah-a kingaünkhi shuhmülanga jihshang, tüsho api rhimobo asühachihde khipkhitshang.

MUNGSHIKHÜN 110:7

Apinü limyean yungzü chingnü ayungbah; jumonü apinü aku dukobah.

MUNGSHIKHÜN 119:108

Inü makshe tamkhüntamnükhi leangkhijang, O Atungpuh , tüsho I ki nü yukhümbo thsangyuang.

MUNGSHIKHÜN 138:5

Tüsho arünü Atungpuh limrobo dünkheak khün thsübah, tümüde Atungpuh müretahkhi ju ato lah.

MUNGSHIKHÜN 21:1

Nü sühmüh ching kiulongthsüpuh asühchoh, O Atungpuh ; tüsho nünü akuk ngüshihkhi ching api küdükhüh tode asühba!

MUNGSHIKHÜN 21:13

O Atungpuh , nü sühmüh ching shuhkihang; isanü khün thsübah tüsho nü wu shijihbah.

MUNGSHIKHÜN 3:3

Tüshe O Atungpuh , nü I tsungdojihrü, I müretah, tüsho ku dukoshihrü ah.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 47:1

Mihtsürü alala, nüsa khah damang; asühde Atungpuh ki zhiang.

MUNGSHIKHÜN 57:8

Asürang I me! Asürang I bingshang tüsho bingkhung! Inü ani asürüshihbah.

MUNGSHIKHÜN 81:1

Isa sühmüh Thrünpuh ki achangnü khün thsang; Jakob Thrünpuh ki asühkhi düsheak thsang.

MUNGSHIKHÜN 95:1

O arang, isanü Atungpuh ki khün thsanü! Isanü isa akhümkhit lungto ki asühachihde ahoanü.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,