MUNGSHIKHÜN 27:5 - AMÜSÜH HÜM CL Bible (BSI)

⁵ Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 27:5 Iomraidhean Croise

2 KIUTHSÜYUKHEAN 22:12

Athalianü lomi ching kiulongthsüchoki arü lung api kam thuruk, Thrünpuh yam ching jika lakheah.

MUNGSHIKHÜN 10:1

Tümüde nü limshude la, O Atungpuh ? Tümüde küpkhuk kim ching nü jikcho?

MUNGSHIKHÜN 119:114

Nü a I jikpü dangpung tüsho I tsung; inü nü yu ching mulonglamchoh.

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 17:8

Nü mükjibo nangde I kümdoang; nü ghidükeang alamme khüp I jikshang,

MUNGSHIKHÜN 18:33

Apinü I jingbo shihmüchi jing nangde kamshih, tüsho achangbo kheak tsüde zojih.

MUNGSHIKHÜN 31:20

Nünü arübo mihtsürübonü mülapyukpü chingnü nü miki jikpung ching jika zochoh; nünü arübo arü riribo mükhemükimrü chingnü kurampung ching jika zochoh.

MUNGSHIKHÜN 31:21

Atungpuh shiang, tümütüsho I ayandokhi kiuto ching lachoki apinü amüyinsahbe amuzho I ki huh.

MUNGSHIKHÜN 40:2

apinü I atrebe alokhün, alomukmuk chingnü bekhit, tüsho I jingdükübo thsakhamjihde lung kheak I jing duboshih.

MUNGSHIKHÜN 40:3

Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 61:2

I mulong shekhia lachoki, inü alomi akheam chingnü nü jichoh. I kheaknü achangbe lungto lim nünü I beang;

MUNGSHIKHÜN 61:3

tümüde nü I tsoyukpung, thiriri azhihde aheangsadam amüküp khülang ah.

MUNGSHIKHÜN 77:2

I küpkhuk nimung inü Atungpuh yim; azhing ching müdüchingde I khah chungkih; I menü mulong shukheampü thsunglo.

MUNGSHIKHÜN 83:3

Arünü nü mihtsürü azhihde ramde lümkhi thsüchoh; nünü akümdokhi azhihde arünü azhihchoh.

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 26:20

Arang, I mihtsürü, nü yo khiungshak ching yüzahang, tüsho nü dunglim ripitbo rihang; bukakhiukkhi muhoyi khiungde anükhühkheak nü jikang.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.