MUNGSHIKHÜN 26:9 - AMÜSÜH HÜM CL Bible (BSI)

⁹ Aneakrü yungsho mihkhukrü lungnü I phüta dübah,

MUNGSHIKHÜN 26:9 Iomraidhean Croise

2 SAMUEL 16:7

Shimeinü athruchoki zhi, “Akhiukang! Akhiukang! Mihlaksahrü! Mihbukmuyuk!

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

MUNGSHIKHÜN 139:19

O, nünü mihbukmuyuk laksahkhülaa, O Thrünpuh, junangde thiyih bukpü mihtsürübo I kheaknü achamachihbah.

MUNGSHIKHÜN 51:14

O Thrünpuh, thiyih bukkhi mülimkhi chingnü I bekhitang, nü I akhümkhit Thrünpuh, tüsho inü asühde nü thiyuro-lungki zhiyukbah.

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

MATHI 24:51

api adütre kamde akhapnakbah tüsho yiuhkhaprü lung chamyukjihbah. Ju ching atripkhi tüsho hü mütrütkhi labah.

MATHI 25:32

Trükshih alala api miki mukhungbah, tüsho namfimihnu neakrünü nihbuh namfimihnubo chingnü mihnubo büthsükhi nangde apinü arü khülang chingnü khülang büthsübah.

MATHI 25:44

“Judüki arünü she api ki alobah, ‘Atungpuh, küyimki isanü nü khümde yungsho kethüride yungsho hanrü thsüde yungsho bünkeang yungsho tukthsüde yungsho rihyam ching lade ngübah nü mürungkhea?’

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

1 SAMUEL 25:29

Khürünü nü müshampü asürüsho tüsho nü rhangdung yimsho, I tungpuh rhangdung ju Atungpuh nü Thrünpuhnü akümkhi rhangdung ching rhükdoa zobah; tüshe nü riribo rhangdung a lunghitliu chingnü hitkhita bahkhi nangde apinü hitkhita bahbah.