MUNGSHIKHÜN 26:4 - AMÜSÜH HÜM CL Bible (BSI)

⁴ Inü amülim mihtsürübo lung mübinchoh, yungsho rük mütsürü lung müyüchoh;

MUNGSHIKHÜN 26:4 Iomraidhean Croise

JOB HU H T ANYU 31:5

Inü akeangyu ching tsah-a lasho, tüsho mülapmüjipü ching I jing athria lasho–

MUNGSHIKHÜN 1:1

Mihtsürü shepünü mihbukmuyuk lümthiyan ching mütsahcho, yungsho aneakrü limro ching müzhipcho, yungsho luhmünerü binkiu kheak mübinchonü asühpü;

MUNGSHIKHÜN 101:4

Bephülapbe mulong I kheaknü chamachihbah; inü mihbukmuyuk mümükheahde alabah.

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 119:63

I a nü trerü tüsho nü yukhümbo anirü alala müyamrü ah.

MÜCHITMUDU 12:11

Shepünü nihbuh lo wochakchonü tsühyungbe suhdahde alabah, tüshe shepünü hoshiho-rabanü anikhitkhi müla.

MÜCHITMUDU 13:20

Shepü lümlung larü mihtsürü lung tsahchonü lümlung labah, tüshe makharü müyamrübo a athsümünimbah.

MÜCHITMUDU 9:6

Makhakhi bahyukang tüsho laang, tüsho anikhitkhi limro ching yüang.

JEREMIA 15:17

Kithsükilangrü bolung inü mübin, yungsho inü masühachih; nü khah khüp I langzü bin, tümüde nünü I bukakhiuknü mishih.

1 KORINT 15:33

Dümülapyukshih: “Müyamrü amütsünü yakli atsü thsümünimchoh.”

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,