MUNGSHIKHÜN 25:7 - AMÜSÜH HÜM CL Bible (BSI)

⁷ I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

MUNGSHIKHÜN 25:7 Iomraidhean Croise

JOB HU H T ANYU 13:26

Tümüde nünü I azhihde akhühbe thrütchoh, tüsho I athunuchoki amülim thsükhibo yimlushihchoh.

JOB HU H T ANYU 20:11

Api robo athunu sühmühnü amikhi asungthulung ching yapbah.

MUNGSHIKHÜN 106:3

Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 106:4

O Atungpuh , nünü nü mihtsürü rungchoki I lümkhitang; nü akhümkhit bede I rhua kheahang,

MUNGSHIKHÜN 109:14

Anihbuh jipürü mülimkhi Thrünpuh miki lümkhitshang, tüsho anihbuh abe neak nankhita dübahshih.

MUNGSHIKHÜN 109:16

tümütüsho apinü mihmuzho huhpü mülümkhit, tüshe zhochihrü tüsho müthsümüla mihtsürü thsümüchi, junangde apinü mulong thsümünimrü laksah.

MUNGSHIKHÜN 109:26

I rungang, O Atungpuh I Thrünpuh! Nü amüthsüm ayannü I khümkhitang,

MUNGSHIKHÜN 119:124

Nü amüthsüm yande nü yamlarü ki rhimoang, tüsho I ki nü yakzan thsükhibo thsangyuang.

MUNGSHIKHÜN 31:16

Nü yamlarü kheak nü miro yinshang; nü muzhodakkhi ching I khümkhitang.

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 6:4

Rholoang, O Atungpuh , I rhangdung bekhitang; nü amüthsüm lakhi hode I khümkhitang.

MUNGSHIKHÜN 79:8

O, isa azhihde adüso neakbo dülümkhitjih; nü amüthsüm isa shorupü chithsade arüshang, tümüde isa khide abobe kamshihdo.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 48:11

I mung chingnü inü ha rhimochoh, tümüde I mung müneanshihpü? I müretah inü püpü kilim müjih.

ISAIA 64:9

Müshakde bukdakhiuk, O Atungpuh , tüsho lünnü amülim dülümkhit. Kheakü lümakheahang, isa alala nü mihtsürü.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JOHAN 5:14

Ju dunglim Jisunü arüngyam ching api ngü, tüsho tha, “Kheahang, nü tsüde kamdo, neak düyihbeaklo, jude yungsho amütsübe nü kheak arübah.”

JOHAN 5:5

Ju ching mihtsürü khülang kam samrükheak tizheah tukthsükhi lakheah.

IBRI 8:12

Tümüde arü mülimkhibo lim inü mihmüthsüm labah, tüsho inü arü neakbo kheaküa mülümkhit.”