MUNGSHIKHÜN 25:6 - AMÜSÜH HÜM CL Bible (BSI)

⁶ O Atungpuh , nü amüthsüm tüsho nü muzhodakkhi lümkhitang, tümüde jurübo adüsonü lah.

MUNGSHIKHÜN 25:6 Iomraidhean Croise

THRÜNTAN 24:27

Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

THRÜNTAN 32:9

Jakobnü tha, “O I pü Abraham Thrünpuh tüsho I buh Isak Thrünpuh, Atungpuh shepünü I ki tha, ‘Nü lomi tüsho nü buhtsührü kilim alode yüang, tüsho inü nü ki tsüde arhimobah’;

2 KIUTHSÜYUKHEAN 6:42

O Atungpuh Thrünpuh, nünü mujude-mokhitkhi dübahyuk. Nü yamlarü David thsungkheak nünü muzhokhi lümkhitang.’ ”

NEHEMIA 13:22

Levirübo ki nihbuh zangrü müsühkhitpü tüsho Amuni müsühde azopü thsüde chipiripitbo aheangang de inü thiyukhüm jih. I lümkhitang, O I Thrünpuh, nü amüthsüm ato hode I kümang.

NEHEMIA 9:19

Nünü arü sunglo dang ching mübahjih, tümüde nü amüthsüm ju ato. Animung tüsho azhing limro huhkhi amo dungto yungsho mo dungto nünü lubah mutso.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 103:4

shepünü athsümünim chingnü nü rhangdung rhokhitcho, shepünü mihmuzho tüsho amüthsümbonü nü kheak thranjihcho,

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 119:77

I kheak müthsümang, tüsho I alabah tümütüsho inü nü yakzan ching asühchoh.

MUNGSHIKHÜN 40:11

O Atungpuh , nü amüthsüm I kheaknü dülulo; nü muzhodakkhi tüsho thiyuronü mutuklode I kümshang.

MUNGSHIKHÜN 69:13

Tüshe I a, nünü amulongkhi kim ching I tamkhüntamnü nü kilim lah, O Atungpuh ; O Thrünpuh, nü amüthsüm todakkhi ching, nü thiyuro akhümkhit ching I ki anijang.

MUNGSHIKHÜN 69:16

I ki anijang, O Atungpuh , tümüde nü muzhodakkhi ju tsülah; nü amüthsüm todakkhi yande I kilim rholoang.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ABEKHIT 15:13

“Nünü amuzhodakkhi ching nünü arhokhitkhi mihtsürü nünü be, nünü nü sühmühnü nü lapung amüsüh lim arü limbe.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

ISAIA 55:7

mihbukmuyuknü arü limro tüsho thiyuro mülarünü arü lümkhi bahyukshang; arünü Atungpuh kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

LUKNÜ ATHRÜTKHI THIYUSHEAK-ATSÜ HUHTANYU 1:54

Apinü nihbuh mihmüthsüm lümkhitde api yamlarü Israel rungdo.

LUKNÜ ATHRÜTKHI THIYUSHEAK-ATSÜ HUHTANYU 1:78

isa Thrünpuh mihmüthsüm lakhinü, küpü hode yinmi chingnü isa kheak ani akhiukba,

2 KORINT 1:3

Isa Atungpuh Jisu Khrista Abuh tüsho Thrünpuh, mihmüthsümbo Abuh tüsho mulong shukheam alala Thrünpuh shiang,

FILIPI 1:8

Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah.

FILIPI 2:1

Jumonü Khrista ching mulong toshihkhi, amuzho sühakhim, Me ching arihako tüsho tsüyihde muzhoachihkhi lasho,

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

1 JOHAN 3:17

Tüshe shepü alomi kukrukbo labah api keoniorü yihnüpü lakhi ngücho, tütüshe api azhihde api mulong rihdosho, küde thsah Thrünpuh amuzho api kheak lapü?