MUNGSHIKHÜN 25:2 - AMÜSÜH HÜM CL Bible (BSI)

² O I Thrünpuh, nü kheak inü kinchoh, I achih düngüshih; I riribonü I dükukshih.

MUNGSHIKHÜN 25:2 Iomraidhean Croise

2 KIUTHSÜYUKHEAN 13:18

Hanangde ju kim ching Israelrü juyukabah, tüsho Juda mihtsürünü akuk ngü tümütüsho arünü Atungpuh , arü jipürü Thrünpuh kheak düthsün angü.

MUNGSHIKHÜN 13:5

Tüshe inü nü amüthsüm ching kinchoh; I mulongnü nü akhümkhit ching asühchoh.

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 22:1

I Thrünpuh, I Thrünpuh, tümüde nünü I bahyuka la? Tümüde I rungpü, I ashearakhi chingnü limshude la?

MUNGSHIKHÜN 22:5

Arünü nü ki zhi, tüsho bekhit; arünü nü kheak kin, tüsho achih müngü.

MUNGSHIKHÜN 22:8

“Apinü Atungpuh kheak kindo, apinü anihbuh khümkhitshang; apinü anihbuh bekhitshang, tümütüsho apinü anihbuh kheak asühlah!”

MUNGSHIKHÜN 31:1

O Atungpuh , I nü kheak tsoyukdo; I küyimkishe achih düngüshih; nü thiyuro-lungki ching I bekhitang.

MUNGSHIKHÜN 31:15

I kimbo nü khah ching lah; I riribo tüsho I thsümüchirü khah chingnü I bekhitang.

MUNGSHIKHÜN 31:2

I kilim nü nükhün anguhang, I khümkhitpü nahde arang; I tsoyukpü lungto, I khümkhitpü amüküp chipi thsang.

MUNGSHIKHÜN 34:8

Atungpuh tsükhi rükakheahang tüsho kheahang; mihtsürü shepü api kheak tsoyukchonü asühpü.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 41:11

Arünü I kurungkheak akuk müngü, tüsho nünü I kheak asühlah de inü amükheahbah.

MUNGSHIKHÜN 56:1

I ki muzhoang, O Thrünpuh, tümüde mihtsürünü I kheak jungchoh; nimung amuyung apinü I junochoh;

MUNGSHIKHÜN 7:1

O Atungpuh I Thrünpuh, inü nü kheak tsoyukchoh; I müshamrü alala chingnü I khümkhitang tüsho bekhitang,

MUNGSHIKHÜN 71:1

O Thrünpuh, nü kheak inü tsoyukchoh; I küyimkishe achih düngüshih.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

MUNGSHIKHÜN 94:3

Atungpuh , mihbukmuyuk külokhüh laba, mihbukmuyuk külokhüh asühba?

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 37:10

“ Nüsanü Juda kiulongthsüpuh Hezekia ki ha thaang: Nünü düthsün angükhi Thrünpuh nü, Jirusalem ju Asiria kiulongthsüpuh khah ching müjihpü thiyuchihchimde nü dümülapyukshih.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 37:35

Tümüde I tüsho I yamlarü David mung chingnü ha kiuto khümkhitpü inü atsunglobah.”

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

ROMRÜ KILIM PAULNÜ ATHRÜTKHI KIHÜM HUHTANYU 10:11

Amüsühyunü thachoh, “Api kheak kinrü sheshe achih müngüshih.”

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

1 PETER 2:6

Tümüde amüsühyu ching ha thachoh, “Kheahang, amokhitkhi tüsho shoto lung khülang inü Zion ching zochoh, tüsho shepü api kheak kinbanü achih müngü.”