MUNGSHIKHÜN 25:10 - AMÜSÜH HÜM CL Bible (BSI)

¹⁰ Api tangzüng tüsho yukhümbo anirü alala apinü thiyuro tüsho amüthsümnü bechoh.

MUNGSHIKHÜN 25:10 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 24:27

Tüsho apinü tha, “I putungrü ki api amüthsüm tüsho thiyuro mübahyukkhi I putungrü Abraham Thrünpuh Atungpuh shiang. I thsungkheaknü, Atungpuhnü I hantsah ching I putungrü keoniorü yam lim bede arüdo.”

THRÜNTAN 5:24

Enoknü Thrünpuh lung tsah; jushu api müladebah, tümütüsho Thrünpuhnü api bea lu.

2 SAMUEL 15:20

Nü yini lang arükheah, tüsho kürü ching yübeanü inü mümükheah, khihni nü I lung rümde atsahshihba de? Alode yüang, tüsho nü keoniorübo nü lung bea lung; tüsho Atungpuhnü nü kheak amuzhodakkhi tüsho thiyuro huhshang.”

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 33:4

Tümüde Atungpuh yu ju alungki ah; apinü arhimokhi alala ching thiyuro ah.

MUNGSHIKHÜN 40:11

O Atungpuh , nü amüthsüm I kheaknü dülulo; nü muzhodakkhi tüsho thiyuronü mutuklode I kümshang.

MUNGSHIKHÜN 50:23

shepünü makshe-jihkhi kingaün shuhmülanga hande arüchonü I wüntrechoh; alungki limro ching yürü ki inü Thrünpuh akhümkhit huhbah.

MUNGSHIKHÜN 57:3

Apinü yinmi chingnü alojihbah tüsho I khümkhitbah; apinü I jungrü achih ngüshihbah. Thrünpuhnü api amüthsüm tüsho thiyuro arüshihbah.

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

MUNGSHIKHÜN 91:14

Tümütüsho apinü nihbuh amuzho I kheak zo, jumonü inü api bekhitbah; inü api achang kheak lashihbah, tümütüsho apinü I mung mükheahdo.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

ROMRÜ KILIM PAULNÜ ATHRÜTKHI KIHÜM HUHTANYU 2:13

Tümüde Thrünpuh miki thiyuro-lungkirü ju yakzan anirü yung, tüshe alim mütsanpü larü ju yakzan yande arhimorübo lah.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

JAKOB 5:11

Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.