MUNGSHIKHÜN 22:5 - AMÜSÜH HÜM CL Bible (BSI)

⁵ Arünü nü ki zhi, tüsho bekhit; arünü nü kheak kin, tüsho achih müngü.

MUNGSHIKHÜN 22:5 Iomraidhean Croise

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

MUNGSHIKHÜN 106:44

Judüalalashe apinü arü zhikhi sochoki arü dukmüsüpkhi lümrhihde kam;

MUNGSHIKHÜN 31:1

O Atungpuh , I nü kheak tsoyukdo; I küyimkishe achih düngüshih; nü thiyuro-lungki ching I bekhitang.

MUNGSHIKHÜN 71:1

O Thrünpuh, nü kheak inü tsoyukchoh; I küyimkishe achih düngüshih.

ISAIA 45:17

Tüshe Israel a Atungpuhnü akheam müla akhümkhit hode khümkhita lah; nü a küyimkishe achih müngüshih yungsho müyingyingshih.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

ROMRÜ KILIM PAULNÜ ATHRÜTKHI KIHÜM HUHTANYU 10:11

Amüsühyunü thachoh, “Api kheak kinrü sheshe achih müngüshih.”

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

1 PETER 2:6

Tümüde amüsühyu ching ha thachoh, “Kheahang, amokhitkhi tüsho shoto lung khülang inü Zion ching zochoh, tüsho shepü api kheak kinbanü achih müngü.”

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.

MAHKHAPRÜ 6:6

Tüsho Midiarü hode Israel khide akheamkhibe kamshih; tüsho Israel mihtsürünü Atungpuh ki arung thsungkheak zhi.