MUNGSHIKHÜN 22:16 - AMÜSÜH HÜM CL Bible (BSI)

¹⁶ Khihnubonü I mükamdoa lah; mihbukmuyuk botonü I sündoa lah. Arünü I khahbo le I jingbo chinkhitshih.

MUNGSHIKHÜN 22:16 Iomraidhean Croise

MUNGSHIKHÜN 22:1

I Thrünpuh, I Thrünpuh, tümüde nünü I bahyuka la? Tümüde I rungpü, I ashearakhi chingnü limshude la?

MUNGSHIKHÜN 22:20

I rhangdung nukshang chingnü, I shoto rhangdung khihnu wu chingnü bekhitang.

MUNGSHIKHÜN 38:11

I mübo lakhinü inü amuzhorü tüsho I müyamrübonü I bahkhido; I keoniorübo I kheaknü limshude lah.

MUNGSHIKHÜN 59:14

Tsüngre aban arünü alode arüchoh, khihnubo nangde chichoh tüsho kiuto mükamde münganchoh.

MUNGSHIKHÜN 59:6

Tsüngre aban arünü alode arüchoh, khihnubo nangde chichoh tüsho kiuto mükamde münganchoh.

MUNGSHIKHÜN 86:14

Akükheangrünü I azhihde wusudo, O Thrünpuh; mihbukmuyuk mihtsürü botonü I rhangdung yimchoh, tüsho arü miki nü mülashih.

ISAIA 53:5

Tüshe isanü alakmihkhi thsungkheak api yuri, isa amülimbo thsungkheak zünak; api kheak thsümüchi hode isa khiukde kamshih, tüsho api mübo hode isa ngushih.

JEREMIA 12:6

Tümüde nü keoniorü tüsho nü yamkhünnü she nü kheak mihyu manide rhimodo; arünü nü azhihde azhikhi lah; arünü nü ki müyamrü yu thatha she arü kheak akin düla.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 26:57

Tüsho Jisu ramrübonü api ju achangbe amükeambuh Kaifa kilim, athrütrü le azothsürübo mukhungpung bebah yü.

MATHI 27:35

Judüki arünü api yümkih, tüsho azan thsüde api khimmih chama lu, junangde wukihrünü athakhi dünjipü lakheah: “Arünü arü bolung I khimmihbo chama lu, tüsho I khimmih thsungkheak arünü azan thsü.”

MATHI 7:6

“Tümü amüsühanü khihnubo kilim düjih; yungsho nü yo sünsobo kheaknu miki düzojih, jude thsüsho arünü jurü arü jing khüp jungbah tüsho rholobah nü adütre kamde ayihthünakbah.

MARK 15:24

Tüsho küyimki arünü api yümkihkhea, arünü api khimmihbo azan thsüde mihtsürü abande chama lu.

LUKNÜ ATHRÜTKHI THIYUSHEAK-ATSÜ HUHTANYU 23:23

Tüshe arünü thsokihde düsheak achangnü api yümkihpü tha. Tüsho harü mihtsürübo le amükeam putungrübo düsheaknü kukabah.

LUKNÜ ATHRÜTKHI THIYUSHEAK-ATSÜ HUHTANYU 23:33

Tüsho küyimki arübo Kalvari de ajikhi dangpung ching arükhea, ju ching arünü athsümünimrü mahne ju khülang akhah tsülim tüsho püpü ju huzulim thsübah api yümkih.

JOHAN 19:23

Küyimki bonungrübonü Jisu yümkihkheanü api khimmihbo le shulün-pangkhümpübo arü abande khülang khülang lubah shihcham phüyi thsü. Shulün-pangkhümpü ju athüredung mülade akulimnü abolim khiungde bümkhüh lang keaka lakheah.

JOHAN 19:34

Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk.

JOHAN 19:37

Tüsho kheaküshe amüsühyu püpünü thachoh, “Arünü düchipashungbuh kheak arünü akheahbah.”

JOHAN 20:25

Jumonü jingyanrü püpürünü api ki tha, “Isanü Atungpuh ngüdo.” Tüshe apinü arü ki tha, “Inü akhah ching yümruyinchi reak ngübah, ju ching I yingkhing muyukyikia, tüsho arheang ching I yingkhing muyukyikia, inü akin müla.”

JOHAN 20:27

Judüki apinü Thoma ki tha, “Ha ching nü khah chungang, tüsho I khahbo kheak kheahang, tüsho ju I rheang ching yukang. Mükinde düla, tüshe kinang.”

FILIPI 3:2

Khihnubo, amütsü rhimorü, shih thsümünimrü aheangang.

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.