MUNGSHIKHÜN 21:6 - AMÜSÜH HÜM CL Bible (BSI)

⁶ Tümüde nünü api lünnü müngühmühi thsüjih; nünü nü bede api khitode asühde kamshih.

MUNGSHIKHÜN 21:6 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

2 SAMUEL 7:9

tüsho nü kürü ching yükheanü I nü lung lakheah, tüsho nü müngüh lakhi thiriri alala tsoshih; tüsho alomi kheak mung ato lakhibo nangde inü nü mung ato kamshih.

1 KIUTHSÜYUKHEAN 17:27

jumonü nü yamlarü yukhüm müngühmühipü thsüde hanü nü asühshang, junangde ha nü miki lünnü alabah. Tümüde, O Atungpuh , nünü müngühjih tüsho lünnü müngühmühibah.”

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

YUNIRÜBO RHIMO 2:28

Nünü I kilim rhangdung limro mükheahshih; nünü nü bede asühkhinü I mide akamshihbah.’

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 3:9

Jumonü sherü akin lanü, akin mihtsürü Abraham lungnü müngühmühia lah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.