MUNGSHIKHÜN 20:8 - AMÜSÜH HÜM CL Bible (BSI)

⁸ Arübo khukning tüsho keamdo; tüshe isa asürü tüsho langde zhiplah.

MUNGSHIKHÜN 20:8 Iomraidhean Croise

2 KIULONG THSÜRÜ 19:23

Nü yunithsürü hode nünü Atungpuh keangrüdo, tüsho nünü tha, ‘I yo khora-lolungbebo ahihdo lubah awung achangbo kheak inü wutukheah, Lebanon achangbo khiungde. Inü cedar ashangshang kiushak, amokhitkhi saipressbo; inü amukhiungpung murung achak khiungde yü.

2 KIUTHSÜYUKHEAN 14:10

Asanü api shorupü wukhiuk, tüsho Maresha ching Zephatha jindükhün ching arünü keochihpü thsakham.

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

EZRA 8:22

Limro ching isa riribo aheangshihpü bonungrübo tüsho khoraberübo kiulongthsüpuh ki kheangpü inü achih; tümüde Thrünpuhnü api kheak kinrü aban müngühjihchoh, tüshe api kheaknü chamkhide atsorü a apinü masüh tüsho thsümüchichoh de inü kiulongthsüpuh ki thakheah.

MUNGSHIKHÜN 124:8

Isa arung ju thüning tüsho alomi thrünrü Atungpuh mung ching lah.

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 33:16

Kiulongthsürü khülang ju api bonungrü atonü mükhümkhit; thirithsürü khülang ju nihbuh sühmühnü mübekhit.

MUNGSHIKHÜN 33:17

Thirithsü khora ju akuk ngüpü mulonglam akeangkeang, tüsho ha sühmüh atonü mükhümkhitkhuk.

MÜCHITMUDU 21:31

Khora ju thirithsü nimung thsungkheak thsakhamlah, tüshe akuk ngükhi ju Atungpuh yo.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.

JIHUSUA 11:4

Arübo nihbuh bonungrü ke yean loyi nangde be tüsho khora le keochih-lolungbebo she hihdakde lubah arü.

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.

1 SAMUEL 17:45

Tüshe Davidnü Goliath ki tha, “Nünü nukshang, thsüh tüsho thsühshang shuhbah I kilim arang; tüshe I a nünü mükhemükimkhi Israel bonungrü Thrünpuh Wuto Atungpuh mung chingnü arübah.