MUNGSHIKHÜN 20:6 - AMÜSÜH HÜM CL Bible (BSI)

⁶ Kheakü Atungpuhnü api yo mujude-mokhitkhi khümkhitchoh de inü mükheahlah. Api akhümkhit sühmüh tsülim khah hode api amüsüh yinmi chingnü anihbuh ki alobah.

MUNGSHIKHÜN 20:6 Iomraidhean Croise

1 KIULONG THSÜRÜ 8:30

Nü yamlarü tüsho nü mihtsürü Israelnü ha yam lim zhoshede tamkhüntamnüchoki sojang; O nü lapung yinmi chingnü sojang; sojang tüsho neak bahjang.

1 KIULONG THSÜRÜ 8:43

judüki nü lapung yinmi chingnü sojang, tüsho khiungkerünü nü ki jikhi yande alala rhimoang, junangde nü mihtsürü Israelnü arhimokhi ruk, lomi mihtsürü alalanü nü mung mükheahbah tüsho nü trebah, tüsho junangde inü athsükhi ha yam ching nü mung jia lah de arünü amükheahbah.

MUNGSHIKHÜN 17:7

Nü amüyinsahbe amuzho huhang tüsho I khümkhitang; nü kheak tsoyukkhinü I riri chingnü I khümkhita lah.

MUNGSHIKHÜN 18:35

Nünü I akhümkhit tsung jih, tüsho nü khah tsülimnü I tholo, tüsho nü arung hode I ato kamshih.

MUNGSHIKHÜN 18:50

Api kiulongthsürü kilim apinü abekhitkhi ato jihchoh, tüsho api yo mujude-mokhitkhi David, tüsho anihbuh tsühsoniusobo ki lünnü amüthsüm huhchoh.

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 28:8

Atungpuh ju api mihtsürü sühmüh, api ju api yo mujude-mokhitkhi akhümkhit tsoyukpung ah.

MUNGSHIKHÜN 41:11

Arünü I kurungkheak akuk müngü, tüsho nünü I kheak asühlah de inü amükheahbah.

MUNGSHIKHÜN 9:15

Trükshihbo arünü akiukhi shingkung ching keamyuk; arü zheang ching arü phuhdo.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

MIKA 4:5

Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.