MUNGSHIKHÜN 2:12 - AMÜSÜH HÜM CL Bible (BSI)

¹² Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 2:12 Iomraidhean Croise

THRÜNTAN 41:40

Inü nü I lomi kurungkheak zojihbah, tüsho I mihtsürü alalanü nü yukhümbo anibah; kiulongthsübinkiu ching lang I nü kheaknü atobe labah.”

1 KIULONG THSÜRÜ 19:18

Judüalalashe Baal ki mukhukningrü alala tüsho api kheak mümüthsüprü aban, inü Israel ching 7000 lashihbah.”

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 109:20

Ha I amülim jihrü tüsho I azhihde amütsü asukrü kilim Atungpuh thsambah thsüshang.

MUNGSHIKHÜN 2:5

Judüki apinü abukakhiukde arü ki asukbah, tüsho mulong zhipzhipde arü ki müzünde athabah,

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

MUNGSHIKHÜN 31:20

Nünü arübo mihtsürübonü mülapyukpü chingnü nü miki jikpung ching jika zochoh; nünü arübo arü riribo mükhemükimrü chingnü kurampung ching jika zochoh.

MUNGSHIKHÜN 34:8

Atungpuh tsükhi rükakheahang tüsho kheahang; mihtsürü shepü api kheak tsoyukchonü asühpü.

MUNGSHIKHÜN 34:9

Nüsa api yo amüsührübo, Atungpuh treang, tümüde api ki trerü a tümü she muzholüm.

MUNGSHIKHÜN 40:4

Sherünü Atungpuh kincho, shepünü sangthsübo kilim manguhcho, yungsho arükchih thrünpuhbo kingaünpü mübechonü asühpü.

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

MÜCHITMUDU 16:20

Shepünü lümlung lade thiyu anichonü atsü ngübah, tüsho shepünü Atungpuh kheak kinchonü, asühpü ju api ah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

JEREMIA 17:7

Shepünü Atungpuh kheak kinchonü müngühmühi, shepü akin Atungpuh la.

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

ZEPHANIA 2:2

hitsüt nangde nü yüna mutsoshihyikinü, Atungpuh mulong zhipzhip nü kheak marüyichokinü, Atungpuh bukakhiukkhi nimung nü kheak marüyichokinü!

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

ROMRÜ KILIM PAULNÜ ATHRÜTKHI KIHÜM HUHTANYU 10:11

Amüsühyunü thachoh, “Api kheak kinrü sheshe achih müngüshih.”

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

EFISIA 1:12

junangde isa akhuhde Khrista kheak kinrü ju api müretah shijihpü thsungkheak labah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 2:6

Tümüde amüsühyu ching ha thachoh, “Kheahang, amokhitkhi tüsho shoto lung khülang inü Zion ching zochoh, tüsho shepü api kheak kinbanü achih müngü.”

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?