MUNGSHIKHÜN 19:9 - AMÜSÜH HÜM CL Bible (BSI)

⁹ Atungpuh trekhi ju atsangkhit, lünnü lah; Atungpuh mahkhapkhibo ju alungki, tüsho thiyuro-lungki ah.

MUNGSHIKHÜN 19:9 Iomraidhean Croise

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

MUNGSHIKHÜN 10:5

Api limrobo kamruhroro akuk ngüchoh; nü mahkhapkhibo api mikinü changde lah; apinü anihbuh riribo alala mükhemürangchoh.

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 115:13

Apinü Atungpuh trerü, anini tüsho ato chido müngühjihbah.

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 119:111

Nü yukhümbo ju lünnü yamrüplurüp thsüde inü ludo, tümüde jurübo I mulong asühbe lah.

MUNGSHIKHÜN 119:142

Nü thiyuro-lungki ju akheam müla thiyuro-lungki ah, tüsho nü yakzan ju thiyuro.

MUNGSHIKHÜN 119:39

Inü trede alakhi mükhemükim lude tsoang, tümüde nü yakzanbo tsülah.

MUNGSHIKHÜN 119:62

Nü thiyuro-lungki mahkhapkhibo dünkheaknü, inü nü kilim makshe jihpü tsüngphulung ching asürübah.

MUNGSHIKHÜN 119:7

Küyimki inü nü thiyuro-lungki mahkhapkhibo anikhitbanü, inü mulong alungkinü nü shibah.

MUNGSHIKHÜN 119:75

O Atungpuh , nü mahkhapkhibo alungki ah de inü mükheahlah, junangde thiyuro lakhi ching nünü I thsünüshih.

MUNGSHIKHÜN 12:7

O Atungpuh isa kümdoang, ha lün chingnü kamruhroro isa aheangang.

MUNGSHIKHÜN 147:19

Apinü Jakob ki api yu, api yakzan thsükhibo tüsho api mahkhapkhibo Israel ki khipkhitchoh.

MUNGSHIKHÜN 36:1

Neak yihbeakkhinü mihbukmuyuk ki api mulong ching sükde asukchoh; api mük ki Thrünpuh trekhi müla.

MUNGSHIKHÜN 36:6

Nü thiyuro-lungki ju awung ato nangde lah; nü thiyuro ju keto asük nangde lah. Mihtsürü tüsho shiwühbo nünü akünkhi ching lah.

ABEKHIT 21:1

“Kheakü nünü arübo miki zojihpü yuzüngbo ju harü labah:

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

ROMRÜ KILIM PAULNÜ ATHRÜTKHI KIHÜM HUHTANYU 2:2

Thrünpuh mahkhap ju hadürü rhimorü kheak lungkide keamchoh de isanü mükheahlah.

YUZÜNGTHALO 4:8

Tüsho inü khihni nüsa miki yakzan tüsho thiyuro yuzüngbo zojihkhi nangde trükshih ato küju la?

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

AMIKHEAKAKHIUKKHI 16:7

Tüsho kingaün sadam chingnü azhikhi inü so, “Am, Wuto Atungpuh Thrünpuh thiyuro tüsho nü mahkhapkhibo alungki lah!”

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.