MUNGSHIKHÜN 19:8 - AMÜSÜH HÜM CL Bible (BSI)

⁸ Atungpuh yakzanbo alungki ah, mulong asühshihchoh; Atungpuh yukhümbo atsangkhitkhi, mükjibo yinshihchoh;

MUNGSHIKHÜN 19:8 Iomraidhean Croise

THRÜNTAN 26:5

tümütüsho Abrahamnü I yu ani tüsho I yakzanbo le thiyukhümbo alala zo.”

2 KIULONG THSÜRÜ 17:37

Thiyukhümbo, thiyuzüngbo tüsho yakzanbo apinü nüsa thsungkheak thrütkhi, nüsanü kamruhroro kümkangde leangkhiang. Nüsanü püpürü thrünpuhbo mükingaün;

NEHEMIA 8:12

Tüsho mihtsürü alala thüyam lim yübah tsühyungde asühachih tüsho püpürü ki she arü lakhi chamachih, tümüde arü ki khea huhkhi yubo arünü anikhit.

NEHEMIA 9:13

Nü yinmi chingnü Sinai Müzüng kheak aki; nünü nü mihtsürü ki asukachih tüsho thiyuro yuzüng, yakzan, tüsho thiyukhümbo jih.

MUNGSHIKHÜN 105:45

junangde arünü api yakzan thsükhibo tüsho api yakzan anipü lakheah. Atungpuh shiang!

MUNGSHIKHÜN 111:7

Api khah rhimobo ju alungki tüsho thiyuro; api yakliyakko alala athülünkhi lah.

MUNGSHIKHÜN 119:105

Nü yu ju I jing ki tsün tüsho I limro ching ayin khülang ah.

MUNGSHIKHÜN 119:12

Nü a müngühmühi ah, O Atungpuh ! Nü yakzan thsükhibo I ki thsangyuang.

MUNGSHIKHÜN 119:121

Inü thiyuro tüsho thiyuro-lungki rhimodo; I junorübo kilim I dübahjih.

MUNGSHIKHÜN 119:128

Jumonü lüpdükhi thsungkheak nü yukhüm alala alungki de inü lümchoh; amülim limro alala inü thraneanlah.

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

MUNGSHIKHÜN 119:14

Inü nü yukhüm limrobo ching khürünü lakhit ato ching asühachihkhi nangde asühachihdo.

MUNGSHIKHÜN 119:143

Küpkhuk tüsho thsününü I tholodo, tütüshe nü yukhümbo ju I asühpü lah.

MUNGSHIKHÜN 119:16

Inü nü yakzan thsükhibo ching asühbah; inü nü yu mümih.

MUNGSHIKHÜN 119:171

I münküpnü mungshi thabah, tümüde nünü nü yakzan thsükhibo I ki thsangyuchoh.

MUNGSHIKHÜN 119:24

Nü yukhümbo I asühpü tüsho I lümthiyanrü lah.

MUNGSHIKHÜN 119:40

Kheahang, inü nü yukhümbo mürheangde lah; nü thiyuro-lungki ching I thsüphulojang.

MUNGSHIKHÜN 119:54

I amüsüh-hantsah yam ching nü yakzan thsükhibo ju I khünbo lakheah.

MUNGSHIKHÜN 119:80

Nü yakzan thsükhibo dünkheak I mulong mudomüra dülashih, junangde I achih müngüde alabah.

MUNGSHIKHÜN 119:92

Nü yakzan ju I asühpü müthsükhülaa, I thsünü ching I dükheaka labah.

MUNGSHIKHÜN 12:6

Atungpuhnü alokhikhibo ju motru ching thüne ki tsangkhitkhi shotoyinchi nangde lah.

MUNGSHIKHÜN 13:3

Lümakheahang, tüsho I ki alojang, O Atungpuh ; I mük müsüshang, jude yungsho I ayapyamnü sheabahbah;

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

MUNGSHIKHÜN 93:5

Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.

ABEKHIT 18:16

Küyimki arü neamneamruru labanü, arünü I kilim arüchoh, tüsho inü arü khülang le khülang dükeak mahkhapjihchoh; tüsho inü Thrünpuh yuzüngbo tüsho api yakzanbo mükheahshihchoh.”

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

MÜCHITMUDU 30:5

“Thrünpuh yu aban atsangkhitkhi lah; api kheak kinrü kilim api ju tsung ah.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

ROMRÜ KILIM PAULNÜ ATHRÜTKHI KIHÜM HUHTANYU 3:20

Tümüde mihtsürü sheshe yakzan rhimokhinü api miki alim müthsü, tümütüsho yakzan hode neak mükheahkhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 7:22

Tümüde I pang alung chingnü Thrünpuh yakzan kheak inü asühchoh,

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

GALATIA 2:19

Tümüde inü Thrünpuh thsungkheak lapü thsüde yakzan hode yakzan ching I shedo.

GALATIA 3:21

Dale tüsho yakzan ju Thrünpuhnü alokhikhibo azhihde a shi? Jude yung; tümüde yakzan ju rhangdung ngüpü thsüde jihkhülaa, dükde thiyuro-lungki ju yakzan hode arüa labah.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 16:14

tüsho nü le nü tsührü tüsho tsührübe, nü yamlabuhrü tüsho yamlaberü, Levirü tüsho nüsa chipimurung khüp lakhi hanrü, mürerü tüsho khimoberünü thünio jimpung thsakhamkhi ching asühachihang.