MUNGSHIKHÜN 19:13 - AMÜSÜH HÜM CL Bible (BSI)

¹³ Lülüshishide alümkhi neakbo chingnü nü yamlarü küma zoang; arünü I kurungkheak yakzan düshuhshih. Judüki I ahühmüdam tüsho tode alakmihkhi mülade alabah.

MUNGSHIKHÜN 19:13 Iomraidhean Croise

THRÜNTAN 20:6

Thrünpuhnü milim ching api ki tha, “Am, nü lümkhi müsühde arhimokheah de inü amükheahmonü, I azhihde inü nü neak müyihbeakshih. Jumonü inü nünü alibe müqiushih.

JOB HU H T ANYU 34:32

inü müngükhukkhi I ki thsangyuang; inü amülim rhimoa lasho, inü ju mürhimolo”?

MUNGSHIKHÜN 11:7

Tümüde Atungpuh ju thiyuro-lungki ah, apinü thiyuro-lungki rhimobo muzhochoh; sherünü jurü rhimobanü api ki labah.

MUNGSHIKHÜN 119:133

Nü yu yande I jingdükü huhang, amülim tümünü I kurungkheak yakzan düshuhshih.

MUNGSHIKHÜN 18:23

I api miki amüdopü mülade alakheah tüsho inü amülim mürhimo.

MUNGSHIKHÜN 7:10

Thrünpuh ju I tsung ah; apinü mulong alungki larü khümkhitchoh.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

ABEKHIT 21:14

Tüshe mihtsürü khülangnü lümkhi thsübah akhekhungnü khürü laksahsho, I kingaün sadam kheaknü bede tsoang tüsho laksahang.

LEVI 4:13

Israel trük athrünkhinü müreanglimnü neak yihbeakde boto miki ramsho, tüsho Atungpuh yukhüm thsümünimde amülim kamsho,

LEVI 4:2

Israel mihtsürübo ki thaang, Müreanglimnü Atungpuh yukhüm lakshide khürü rhimokhinü neak yihbeaksho thiyukhüm harünü arhükbah:

LEVI 4:22

Yakzanshuhrü khülangnü müreanglimnü neak yihbeakde api Thrünpuh Atungpuh yukhüm khürü thsümünimbah amülim kamsho,

LEVI 4:27

Mihtsürü ah dümung khürünü müreanglimnü neak yihbeakde Atungpuh yukhüm khürü thsümünimbah amülim kamsho,

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.