MUNGSHIKHÜN 18:43 - AMÜSÜH HÜM CL Bible (BSI)

⁴³ Nünü mihtsürübonü zündokhi chingnü I bekhit, nünü I trükshih yo aku kamshih; inü mümükheahkhi mihtsürübonü I tankihpü kam.

MUNGSHIKHÜN 18:43 Iomraidhean Croise

2 SAMUEL 19:9

Israel trük alala ching mihtsürübonü alanajide tha, “Kiulongthsüpuhnü isa riri khah chingnü isa bekhit, tüsho Filistiarü khah chingnü isa khümkhit; tüsho kheakü Absalom dünkheaknü api lomi chingnü tsodo.

2 SAMUEL 3:1

Judüki Saul yamkhün tüsho David yamkhün dükeak thirithsü kim ashang lakheah; David amürangbe tüsho amürangbe kam, tüshe Saul yamkhün ayiuhyiuhbe tüsho ayiuhyiuhbe kam.

MUNGSHIKHÜN 108:9

Moab I müsühmüra-phuru; Edom kheak inü I jingkhümpü bahbah; Filistia kheak inü akukbah.”

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 15:12

tüsho kheaküshe Isaianü thachoh, “Jesse tsühsoniuso arübah; khiungkerü yakzan shuhpü api arübah tüsho api kheak arünü mulonglam labah.”

ROMRÜ KILIM PAULNÜ ATHRÜTKHI KIHÜM HUHTANYU 15:18

Inü athakhi tüsho arhimokhinü, khiungkerünü Thrünpuh ki mihyuanishihde Khristanü I hode akuk ngükhi kheak hode inü tümü she müthanü–

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

EFISIA 1:22

tüsho apinü alala api jing khüp yüzahshih, tüsho borü thsungkheak alala kumung api aku kamshih.

1 PETER 2:10

Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”