MUNGSHIKHÜN 18:3 - AMÜSÜH HÜM CL Bible (BSI)

³ Inü ashijihpü thülünkhi Atungpuh ki jichoh, tüsho I riri kheaknü I khümkhita lah.

MUNGSHIKHÜN 18:3 Iomraidhean Croise

2 SAMUEL 22:4

Inü Atungpuh ki jichoh, shepü mungshi jihpü athülün la, tüsho I riribo kheaknü I khümkhita lah.

NEHEMIA 9:5

Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

MUNGSHIKHÜN 144:1

Atungpuh I lungto shiang, shepünü thirithsü thsungkheak I khahbo, tüsho keochihpü thsungkheak I yingkhingbo nokihjihcho–

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 31:4

I thsungkheak jika zokhi keang chingnü I bekhitang, tümüde nü I tsoyukpung ah.

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 55:16

I thsungkheak a, inü Thrünpuh ki jibah, tüsho Atungpuhnü I khümkhitbah.

MUNGSHIKHÜN 62:3

Nüsa alalanü shahwün keamkhi kheaknü alü sühmüh mülakhi mihtsürü külokhüh müshamba?

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MUNGSHIKHÜN 71:3

Nü I tsoyukpung lungto khülang, I khümkhitpü chipi khülang thsang, tümüde nü I lungto tüsho I chipi.

MUNGSHIKHÜN 76:4

Nü a shihwuhnu lakhi müzüngbo kheaknü alü müretahkhi tüsho hodaklah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

MUNGSHIKHÜN 96:4

Tümüde Atungpuh ju ato tüsho tode ashijihpü lah; api ju thrünpuhbo alala kurungkheak trepü lah.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

LUKNÜ ATHRÜTKHI THIYUSHEAK-ATSÜ HUHTANYU 1:71

junangde isa riribo tüsho isa thraneanrü alala khah chingnü isa khümkhit;

YUNIRÜBO RHIMO 2:21

Tüsho shepünü Atungpuh mung jibanü akhümkhitbah.’

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”