MUNGSHIKHÜN 18:17 - AMÜSÜH HÜM CL Bible (BSI)

¹⁷ Apinü sühmüh larü I thraneankhi I riri kheaknü I bekhit, tümüde arübo I thsungkheak khide sühmüh lakheah.

MUNGSHIKHÜN 18:17 Iomraidhean Croise

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

2 SAMUEL 22:18

I riri amüküp I thraneanrü kheaknü apinü I bekhit; tümüde arübo ju I thsungkheaknü khide sühmüh lakheah.

JOB HU H T ANYU 16:9

Apinü abukakhiukde I thothünak tüsho I thraneando; apinü I kheak azhihde ahü mütrüt; I ririnü I azhihde juh-a kheahchoh.

MUNGSHIKHÜN 118:7

I rungrü bolung Atungpuh ju I thsungkheak lah; jumonü inü I thraneanrü kheak I künkhi kheahbah.

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 144:7

Achanglimnü nü khah chungkihang; ke atobo chingnü, khiungkerübo khah chingnü I khümkhitang tüsho bekhitang,

MUNGSHIKHÜN 25:19

I riribo küdükhüh a tüsho arünü küdükhüh I thraneanchonü lümakheahjang.

MUNGSHIKHÜN 35:10

I mulong athrünkhinü athabah, “O Atungpuh , nü nangde she la? Nünü sühmüh larü kheaknü ayiuhyiuhrü, tüsho junorü kheaknü zhochihrü bekhitchoh.”

MUNGSHIKHÜN 38:19

I riribo shihphü tsüde sühmüh lah; amütsan mülade I thraneanrü hihlah.

MUNGSHIKHÜN 9:13

I ki müthsümang, O Atungpuh ! I riribonü I thsünüshihkhi kheahang! Ashe chingnü I khümkhitang, O Atungpuh ,

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’