MUNGSHIKHÜN 18:15 - AMÜSÜH HÜM CL Bible (BSI)

¹⁵ O Atungpuh , nünü athürühchoki, nü nupung chingnü sheak mütchoki keto rubo ngüde kam, tüsho alomiküp khimtan aleangkheak lakheah.

MUNGSHIKHÜN 18:15 Iomraidhean Croise

2 SAMUEL 22:16

Judüki keto rubo ngüde kam, Atungpuh bukakhiukkhinü, api nupung sheak akhiukkhinü, alomiküp khimtan aleangkheak kam.

2 KIULONG THSÜRÜ 19:7

Inü me khülang api kheak yukjihbah, junangde apinü neamneamrurukhi sobah tüsho anihbuh lomi lim yülobah; anihbuh lomi ching inü api nukshangnü akeamshihbah.’ ”

JOB HU H T ANYU 36:32

Api khahnü tsüngyuk tholochoh, tüsho alakareak kihshihpü thiyukhüm jihchoh.

JOB HU H T ANYU 4:9

Thrünpuh sheak hode arü dükheakchoh, tüsho api bukakhiukkhi hode arü muyuabah.

MUNGSHIKHÜN 104:5

Nünü alomi khimtan thsü, junangde ha lünnü maphap,

MUNGSHIKHÜN 106:9

Apinü Amürüm Keto she thürüh, tüsho ju ngahabah; junangde apinü arü asükbo hode, sunglo hode be.

MUNGSHIKHÜN 144:6

Chinchobe phürapa yüshang tüsho arü hiumüzütshang; nü hühzobo kipang tüsho arü thsümünimang.

MUNGSHIKHÜN 74:15

Nünü kenü tüsho keking khimshuh; nünü ayung atobo ngahshih.

MUNGSHIKHÜN 76:6

O Jakob Thrünpuh, nünü athürühkhinü khorabo tüsho khoraberü chido shea yaplah.

MUNGSHIKHÜN 77:18

Nü tsüngmukkhi düsheak chitmühean ching lakheah; chinchobebonü alomiküp tahkhi; alomi ajan tüsho niuk.

MUNGSHIKHÜN 92:10

Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

ABEKHIT 15:8

Nünü keto kheak müt tüsho ke rhungkih; ha rhü khülang nangde lah-a mudung; keto kero phulung ju khunungabah.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

JEREMIA 31:37

Atungpuhnü ha thachoh: Akulim yinmibo akekhuksho tüsho abolim alomi khimtanbo yimkhuksho lang arünü arhimokhi alala dünkheaknü inü Israel tsührübo alala bahyukbah, Atungpuhnü thachoh.

JONA 2:6

I a müzüng yingbo ching, lünnü chipi rihkhi lomi ching yüzah; tütüshe nünü alokhün chingnü I rhangdung bekhit, O Atungpuh I Thrünpuh.

MIKA 6:2

Nüsa müzüngbo, tüsho nüsa akheam mülakhi alomi khimtanbo, Atungpuhnü müdamkhi soang; tümüde Atungpuhnü api mihtsürü kheak müdampü lah, tüsho apinü Israel kheak müneahbah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

1 SAMUEL 7:10

Samuelnü taka kingaünkhi jihchoki, Filistiarü ju Israel yanpü thüninde arüa lakheah; tüshe ju nimung Filistiarü azhihde Atungpuhnü düsheak atonü tsüngmuk tüsho arübo yingyingde kamshih; tüsho Israel müngüh tso.