MUNGSHIKHÜN 18:14 - AMÜSÜH HÜM CL Bible (BSI)

¹⁴ Apinü api hühzobo yüshihbah thiriri hiumüzütshih; apinü chinchobe phürapa yüshih tüsho arü alihde tsoshih.

MUNGSHIKHÜN 18:14 Iomraidhean Croise

JOB HU H T ANYU 37:4

Ju dunglim api düsheak arungchoh; apinü api wüntre-müretah düsheaknü mukchoh, tüsho api düsheak sochoki apinü chinchobe mutholo.

JOB HU H T ANYU 37:5

Thrünpuhnü api düsheaknü mihmüyinsahbe mukchoh; isanü manikhitkhukpü thsüde apinü ato rhimochoh.

JOB HU H T ANYU 38:35

Nünü chinchobe yüshihkhukba de, junangde arünü ayübah tüsho nü ki thabah, “Isa ha ching lah”?

JOB HU H T ANYU 6:4

Tümüde Wuto hühzobo I kheak lah; I menü arü müzüm yungchoh; Thrünpuh yo atrebe I azhihde khin thsülah.

MUNGSHIKHÜN 144:6

Chinchobe phürapa yüshang tüsho arü hiumüzütshang; nü hühzobo kipang tüsho arü thsümünimang.

MUNGSHIKHÜN 21:12

nünü arü kheak nü hühzobonü akipbah, tüsho rholobah alihde atsoshihbah.

MUNGSHIKHÜN 29:3

Atungpuh düsheak kebo kumung lah; müretahkhi Thrünpuhnü tsüngmukchoh; Atungpuh ju muliuke kumung lah.

MUNGSHIKHÜN 29:7

Atungpuh düsheaknü chinchobe phürapshihchoh.

MUNGSHIKHÜN 77:17

Amobonü tsüng akishih; thüningbonü düsheakbo yüshih; hühzobo she phürap.

MUNGSHIKHÜN 77:18

Nü tsüngmukkhi düsheak chitmühean ching lakheah; chinchobebonü alomiküp tahkhi; alomi ajan tüsho niuk.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

HABAKKUK 3:11

Nü hühzobo phürapkhi ching, nü thsüh rakrakkhi ching, ani tüsho khinu thüningbo ching zhikde zhip.

WÜHKHE 24:8

Thrünpuhnü arü Ijip chingnü bekhit; arü kheak mütüm moshipung sühmüh kihlah. Arünü arü riri trükshihbo tsühabahchoh, tüsho arü ro shimshim yihthünakchoh; arü hühzonü arü kipashungchoh.

YUZÜNGTHALO 32:23

Tüsho inü arü kheak thsümütsübo keamkihshihbah; inü arü kheak hühzobo keamshihbah;

YUZÜNGTHALO 32:42

Inü I hühzobo thiyih yungshihbah tüsho I nukshangnü shih tsühshihbah– alaksahkhi tüsho aramrü thiyihbo, thiriri limberü kubo. @SP ACE=

JIHUSUA 10:10

Tüsho Atungpuhnü arübo Israel müngüh yingyingde kamshih. Israelrübonü arü Gibeon ching laksah tüsho yande Beth-horon wutu limro khiung, tüsho Azeka le Makkeda khiungde laksah.

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”