MUNGSHIKHÜN 17:9 - AMÜSÜH HÜM CL Bible (BSI)

⁹ I junorü mihbukmuyuk chingnü, I zündoa lakhi asheshihbe thiriri chingnü.

MUNGSHIKHÜN 17:9 Iomraidhean Croise

1 KIUTHSÜYUKHEAN 17:9

Tüsho inü I mihtsürü Israel thsungkheak dangpung khülang mokhitbah, tüsho arü lashihbah, junangde arünü arü nihbuh lapung ching labah, tüsho kheakü phü mümüsüp; tüsho akhuhlim rhimokhi nangde amütsü rhimorübonü kheaküa arü müjuno,

MUNGSHIKHÜN 31:20

Nünü arübo mihtsürübonü mülapyukpü chingnü nü miki jikpung ching jika zochoh; nünü arübo arü riribo mükhemükimrü chingnü kurampung ching jika zochoh.

MUNGSHIKHÜN 35:12

Arünü I kilim atsü dün amütsü jihlochoh; I me tüzhokhi ching lah.

MUNGSHIKHÜN 35:4

Sherünü I rhangdung yimchonü, achih ngüshang tüsho mükhemükimshang; sherünü I azhihde rük asahchonü rholoshang tüsho yingyingde kamshang.

MUNGSHIKHÜN 35:7

Amütsan mülade arünü I thsungkheak azheang zo, tüsho I phuhpü müthrim asük kiu.

MUNGSHIKHÜN 7:5

thiririnü I müshamshang tüsho I tholoshang, tüsho apinü I rhangdung alo ching juyukshang, tüsho I asungthulung ching yapshang.

1 SAMUEL 23:26

Saulnü awung thripkhüh yü, tüsho David le amihtsürübo awung khülim peang yü. Küyimki Saul tüsho amihtsürübonü David tüsho amihtsürübo tholopü thüninde arükheanü David ju Saul kheaknü atsopü niokheam.

1 SAMUEL 24:11

Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.