MUNGSHIKHÜN 17:4 - AMÜSÜH HÜM CL Bible (BSI)

⁴ Püpürü nangde inü amütsü masuk; inü nü yu anido tüsho athsümünim limro müyan.

MUNGSHIKHÜN 17:4 Iomraidhean Croise

THRÜNTAN 6:11

Alomi ju Thrünpuh miki amütsü tüsho athsümünimnü mide alakheah.

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

JOB HU H T ANYU 15:16

Amülim-rhimo ke nangde ayungrü athranean tüsho athsümünimrü küdükhüh keamkhila!

JOB HU H T ANYU 31:33

Adam nangde inü alakmihkhibo rama lasho, I amülimbo I khüh ching rama lasho,

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

MATHI 4:4

Tüshe apinü alo, “Amüsühyunü thachoh, ‘Yikhap müthsünnü mihtsürü mülachoh, tüshe Thrünpuh mün chingnü akhiukkhi yu abannü lah.’”

MATHI 4:7

Jisunü api ki tha, “Amüsühyunü ha she thachoh, ‘Nünü Atungpuh nü Thrünpuh rükdaki.’ ”

JOHAN 17:17

Nü thiyuro hode arü tsangkhitjang. Nü yu ju thiyuro ah.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 9:11

Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon de ji.

1 SAMUEL 26:11

Atungpuhnü mujude-mokhitkhi kheak azhihde I khah chungpü Atungpuhnü danlolah; tüshe kheakü aku ki lakhi thsüh tüsho keluh luang, tüsho ike tsoanü.”

1 SAMUEL 26:9

Tüshe Davidnü Abishai ki tha, “ Api düthsümünim; tümüde khürünü Atungpuhnü mujudemokhitkhi kheak azhihde khah chungbah amülim mülabea de?”