MUNGSHIKHÜN 17:3 - AMÜSÜH HÜM CL Bible (BSI)

³ Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 17:3 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

JOB HU H T ANYU 23:10

Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

JOB HU H T ANYU 24:14

Mihlaksahrünü zhochihrü tüsho mükheakmürakrü laksahpü mükikde asürüchoh tüsho azhing ching ahührü nangde lah.

MUNGSHIKHÜN 11:5

Atungpuhnü thiyuro-lungkirü rükakichoh, tüshe mihbukmuyuk tüsho athsümünim muzhorü api menü thraneanchoh.

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 139:1

O Atungpuh , nünü I yim tüsho I mükheahdo.

MUNGSHIKHÜN 139:23

I yimang, O Thrünpuh, tüsho I mulong mükheahang;

MUNGSHIKHÜN 16:7

Inü Atungpuh shichoh, tümütüsho apinü I bechoh, tüsho azhing ching I lümkhinü I ki thachoh.

MUNGSHIKHÜN 26:2

O Atungpuh , I mütsanmükhiang tüsho mahkhapang; I mulong tüsho I lümkhi rükakheahang.

MUNGSHIKHÜN 39:1

Inü tha, “Inü arhimopü lakhi akümkangbah tüsho I mulonü neak müyihbeakshih; mihbukmuyukrü I miki lachoki inü tümü she mütha.”

MUNGSHIKHÜN 66:10

O Thrünpuh, nünü isa rükakheahdo; nünü isa shotoyinchi nangde tsangkhit.

MUNGSHIKHÜN 7:4

inü I müyambuh kheak amütsü rhimoa lasho yungsho amütsan mülade I riri yankhia lua lasho,

MÜCHITMUDU 13:3

Shepünü nihbuh mün kümkangchonü api rhangdung lachoh, tüshe shepünü mün tochonü athsümünimkhi labah.

JEREMIA 12:3

O Atungpuh , tüshe nünü I mükheahlah; nünü I ngülah tüsho I rükakia kheahchoh, I lümkhi nü kilim lah. Namfimihnu nangde alaksahpü arübo züngkhitang, tüsho alaksahpü nimung thsungkheaknü bemuwuhang.

JEREMIA 50:20

Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

HOSEA 7:6

Mokin nangde arü mulong ching taklah; tsüngre amuyung arü bukakhiukkhi aniuchoh; mo ju yapsu trukhitchoh.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

1 KORINT 4:4

I lümkhi müsühde lah, tüshe junü I atsütsü amülim mülakhi mümütsanchoh, I yukhapbuh ju Atungpuh lah.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’

1 SAMUEL 24:12

Atungpuhnü I le nü dükeak mahkhapshang! Atungpuhnü nü kheak I royimshang; tüshe I khahnü a nü kheak mazhih.

1 SAMUEL 26:11

Atungpuhnü mujude-mokhitkhi kheak azhihde I khah chungpü Atungpuhnü danlolah; tüshe kheakü aku ki lakhi thsüh tüsho keluh luang, tüsho ike tsoanü.”

1 SAMUEL 26:23

Atungpuhnü nihbuh thiyuro-lungki tüsho khiukde alakhi aban thsambah jihchoh; tümüde khihni Atungpuhnü nü I khah ching jih, tüshe Atungpuhnü mujude-mokhitkhi kheak azhihde inü I khah muchung.