MUNGSHIKHÜN 17:1 - AMÜSÜH HÜM CL Bible (BSI)

¹ O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MUNGSHIKHÜN 17:1 Iomraidhean Croise

2 SAMUEL 22:24

I api miki amülim mülade alakheah, tüsho amülimbo chingnü inü danyuk.

2 KIUTHSÜYUKHEAN 7:15

Kheakü ha dangpung ching tamkhüntamnükhi lim I mükbo khimshuhbah tüsho I nükhünbo anguhbah.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

JOB HU H T ANYU 16:17

I khah ching thiyih bukkhi mülalashe, tüsho I tamkhüntamnü tsangkhitde lalashe.

MUNGSHIKHÜN 102:2

I küpkhuk nimung nü miro I kheaknü düjik; I kilim nü nükhün muphoang; inü nü ji nimung I ki niokheamde alojang.

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

MUNGSHIKHÜN 142:1

Inü I düsheaknü Atungpuh ki zhichoh; I düsheaknü inü Atungpuh ki mushuchoh.

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 143:1

I tamkhüntamnü sojang, O Atungpuh , inü amushukhibo anijang! nü thiyuro lakhi tüsho nü thiyuro-lungki ching I ki alojang.

MUNGSHIKHÜN 145:18

Atungpuh a api thiyuro ching jirü alala thüninde lah.

MUNGSHIKHÜN 18:20

I thiyuro-lungki yande Atungpuhnü I kilim thsambah jih; I khahbo müsühkhi yande apinü I müngühjih.

MUNGSHIKHÜN 18:44

Arünü I dünkheak soakede I ki mihyuani; khiungkerübonü I ki mükhüm.

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MUNGSHIKHÜN 5:2

Inü azhikhi düsheak sojang, I kiulongthsüpuh tüsho I Thrünpuh, tümüde inü nü ki tamkhüntamnüchoh.

MUNGSHIKHÜN 54:4

Kheahang, Thrünpuh ju I rungrü ah; Atungpuh ju I rhangdung tsunglorü ah.

MUNGSHIKHÜN 55:18

I azhihde keochihkhi chingnü apinü I me mungtsü chingnü rhokhit, tümüde I azhihde ahihdo lakheah.

MUNGSHIKHÜN 61:1

Inü azhikhi sojang, O Thrünpuh, I tamkhüntamnü anijang;

MUNGSHIKHÜN 61:2

I mulong shekhia lachoki, inü alomi akheam chingnü nü jichoh. I kheaknü achangbe lungto lim nünü I beang;

MUNGSHIKHÜN 66:19

Tüshe dükde Thrünpuhnü I sojihdo; apinü I tamkhüntamnü düsheak anijihdo.

MUNGSHIKHÜN 7:8

Atungpuhnü mihtsürü mahkhapchoh; O Atungpuh , I thiyuro-lungki tüsho I kheak lakhi thiyuro yande I mahkhapang.

MUNGSHIKHÜN 84:9

O Thrünpuh, isa tsung kheahang, tüsho nünü mujude-mokhitkhi miro kheah kheahang.

MUNGSHIKHÜN 86:1

O Atungpuh , aniang tüsho I ki alojang; tümüde I zhochihrü tüsho müthsümülarü ah;

MUNGSHIKHÜN 86:6

I tamkhüntamnü sojang, O Atungpuh , mihmüthsüm thsungkheak zhikhi anijang.

MUNGSHIKHÜN 88:3

Tümüde I me küpkhukbonü mide lah, tüsho I rhangdung kiuyuk thüninde yüchoh.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

MATHI 15:8

‘Harü mihtsürübonü arü münbonü I ki wüntre jihchoh, tüshe arü mulongbo I kheaknü limshude lah.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

1 JOHAN 3:21

Amuzho müyamrübo, isa mulongnü isa mübahyuksho, Thrünpuh miki isa mulongram lah;