MUNGSHIKHÜN 16:4 - AMÜSÜH HÜM CL Bible (BSI)

⁴ Püpürü thrünpuhbo dunglim müshamrü mulong rozhak alü kambah. Arünü laksah-a kingaünkhi ching inü shihcham mulu; inü arü thrünpuhbo mükingaün.

MUNGSHIKHÜN 16:4 Iomraidhean Croise

THRÜNTAN 35:14

Jumonü apinü anihbuh ki asukachihkhi dangpung ching Jakobnü mümihlung khülang khima zo; tüsho apinü ju kheak ayungbe kingaün le müdangke bukkih.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

ISAIA 57:6

Yungzü kelungbo bolung nü shihcham lah; arübo nü shihcham; arü kheak nünü yukhu dungkih, nünü hi kingaün handarü. Harü kheak inü asühba de?

ISAIA 65:11

Tüshe nüsa sherünü Atungpuh bahyukcho, shepünü I wung amüsüh mihcho, shepünü kuhi thsungkheak dükhüm kheanga zocho tüsho kuhi-lalim thsungkheak pung ching yukhu yukcho;

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 7:18

Azürübonü sang momukhungchoh, buhrübonü mo takkihchoh, tüsho yinmi kiulongthsübe thsungkheak yikhap thsüpü azoberübonü ayikangkang neamchoh; tüsho arünü I bukakhiukshihde, püpürü thrünpuhbo kilim ayungbe kingaün dunga bahchoh.

LEVI 23:13

Ju lung nüsanü ayikangkang khahngak 2 ching oliv müdangke yukbah hi kingaün jihde arhümthüneakhinü Atungpuh asühshihbah; tüsho yukhu she pungdüchi 1 kingaün jihbah.

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

JIHUSUA 23:7

junangde nüsa lung larü mihtsürü bolung mütsah yungsho arü Thrünpuh mung jide thiyuchihchim müthsü yungsho arü mütankih yungsho arü miki mümükhüm,