MUNGSHIKHÜN 16:11 - AMÜSÜH HÜM CL Bible (BSI)

¹¹ Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 16:11 Iomraidhean Croise

MUNGSHIKHÜN 139:24

tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 4:8

I mungtsü ching atsunga yapbah tüsho ayapshebah; tümüde O Atungpuh nü hode lang I akhümkhitkhi ching lah.

MUNGSHIKHÜN 68:4

Thrünpuh ki api mung müshikhi khün thsang; shepü amobo kumung tsahchonü api ki achangnü khün thsang; api mung ju Atungpuh , tüsho api miki asühachihang.

MÜCHITMUDU 12:28

Thiyuro-lungki limro ching rhangdung lah, tüsho ha limtsahpung ching ashekhi müla.

MÜCHITMUDU 2:19

sherü anihbe kilim yüchonü murholo yungsho arü rhangdung limro müngü–

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

MÜCHITMUDU 5:6

Anihbenü rhangdung limro lümamükheah; anihbe tsahpungbo khüranglah, tüshe alibenü ju mümükheah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

MATHI 25:33

Apinü namfimihnubo api khah tsülim, tüsho mihnubo huzulim zobah.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MATHI 5:8

Mulong müsühde alarübo asühpü, tümüde arünü Thrünpuh ngübah.

MATHI 7:14

Tümütüsho rhangdung lim bekhi ju chipimurung amütsüm tüsho limro chaklah, tüsho ju ngürü nüklah.

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

YUNIRÜBO RHIMO 2:28

Nünü I kilim rhangdung limro mükheahshih; nünü nü bede asühkhinü I mide akamshihbah.’

YUNIRÜBO RHIMO 7:56

tüsho apinü tha, “Kheahang, yinmi khimshuhkhi, tüsho Thrünpuh khah tsülim Mihtsürü Tsührü zhipkhi inü ngüchoh.”

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

EFISIA 3:19

tüsho mükheahmudu zhichoki Khrista amuzho mükheahpü labah, junangde Thrünpuh khiukdahkhinü nüsa mide akambah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.