MUNGSHIKHÜN 15:5 - AMÜSÜH HÜM CL Bible (BSI)

⁵ shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

MUNGSHIKHÜN 15:5 Iomraidhean Croise

MUNGSHIKHÜN 106:3

Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 112:6

Tsükjide küyimkishe api matrüt; thiyuro-lungkirü lünnü alümkhitbah.

MUNGSHIKHÜN 16:8

Inü kamruhroro Atungpuh I miki lashihlah; tümütüsho api I khah tsülimpeang lah tüsho I matrüt.

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

ABEKHIT 22:24

tüsho I bukakhiukkhi takde akambah, tüsho inü nüsa nukshangnü alaksahbah; nüsa niuberü ju khimoberü tüsho nüsa tsührübo mürerü kambah.

ABEKHIT 22:25

“Nüsanü nüsa lung lakhi zhochihrü I mihtsürü ki sho nipshihsho, nüsanü api ki shonip-jihrü nangde müthsübeah; nüsanü api ki sholü dülu.

MÜCHITMUDU 10:30

Thiyuro-lungkirü küyimkishe matrüt tüshe mihbukmuyuk a alomi ching müla.

MÜCHITMUDU 12:3

Mihtsürü khülang ju mihbukmuyukkhinü mülakihchoh, tüshe thiyuro-lungkirü ying murukkhitkhuk.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

EZEKIEL 18:17

Apinü amülim chingnü khah tuklochoh tüsho sholü yungsho sholü alü mulu. Apinü I yakzanbo zochoh tüsho I yakzan thsükhibo yanchoh. Api anihbuh abuh neak dün müshe; api tsükjide alabah.

EZEKIEL 18:27

Tüshe mihbukmuyuk mihtsürü khülangnü anihbuhnü ayihbeakkhi mihbukmuyuk chingnü rholode tsosho tüsho tümü thiyuro tüsho alungkianü rhimosho, api rhangdung khümkhitbah.

EZEKIEL 18:8

Apinü sholü lude münipjih yungsho sholü kihode mulu. Apinü amülim rhimopü chingnü akhah tuklochoh tüsho mihtsürü le mihtsürü dükeak tsüde khapjihchoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

MATHI 26:15

tüsho tha, “Inü api nüsa kilim jihsho nüsanü I kilim tümü jihpü mulongla?” Tüsho arünü api kilim shotoyinchi 30 khekhita jih.

JOHAN 13:17

Nüsanü harü mükheahde rhimosho nüsa asühpü.

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

YUZÜNGTHALO 23:21

“Küyimki nünü Atungpuh nü Thrünpuh ki thiyuchihchimbanü, nünü ju jihpü dülakma; tümüde Atungpuh nü Thrünpuhnü ju nü kheaknü akheangbah, tüsho ju nü thsungkheak neak labah.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”