MUNGSHIKHÜN 15:3 - AMÜSÜH HÜM CL Bible (BSI)

³ Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

MUNGSHIKHÜN 15:3 Iomraidhean Croise

MÜCHITMUDU 22:10

Luhmünerü yankhita bahang, tüsho marüpachihkhi tsobah, tüsho rukachihkhi le mükhemükim thakhi arün thsübah.

MÜCHITMUDU 25:3

Thüning ju changlah tüsho alomi ju süklah, junangde kiulongthsürübo mulong ju müyimkhitkhuk.

ISAIA 56:2

Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.

LEVI 19:16

Nünü nü mihtsürü lung jipjiprarade wutula akila de düthsü, tüsho nü yamhingrü rhangdung azhihde düzhip: I Atungpuh ah.

MATHI 7:12

Jumonü tümüpürü mihtsürübonü nü ki rhimoshihnelanü, arü ki she rhimoang, tümüde ha yakzan tüsho wukihrübonü thsangyukhibo lah.

ROMRÜ KILIM PAULNÜ ATHRÜTKHI KIHÜM HUHTANYU 1:30

dünthamungtha, Thrünpuh thraneanrü, mükmürüm, lungkhangkhi, kükheangkhi, amütsü rhimo, berübuhrü ki mihyumanikhi,

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

ROMRÜ KILIM PAULNÜ ATHRÜTKHI KIHÜM HUHTANYU 13:10

Amuzhonü yamhingrü ki amülim müthsüchoh; jumonü amuzho ju yakzan mihyuanikhi ah.

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.

1 SAMUEL 24:11

Abuh, nü yo shulünkhim münkheam I khah ching ha kheahang; tümüde atsütsü inü nü yo shulünkhim münkheam nipkhia lu, tüsho nü mülaksah, ha hode I kilim amülim yungsho azhihkhi müla de nünü amükheahbah. Nünü I rhangdung lupü jima lalashe, inü nü azhihde neak müyihbeak.