MUNGSHIKHÜN 148:14 - AMÜSÜH HÜM CL Bible (BSI)

¹⁴ Tüsho apinü api mihtsürü juh shuhkihdo, api amüsührü alalanü ashijihkhi– api thüninde alakhi mihtsürü, Israel tsührübo. Atungpuh shiang!

MUNGSHIKHÜN 148:14 Iomraidhean Croise

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MUNGSHIKHÜN 145:10

Nü rhimobo alalanü nü shibah, O Atungpuh , tüsho nü yo amüsührünü nü shibah.

MUNGSHIKHÜN 149:9

thrüta lakhi mahkhap arü kheak rhimopü– ha api amüsührü alala müretah lah. Atungpuh shiang!

MUNGSHIKHÜN 75:10

Mihbukmuyuk juhbo alala inü alipshakbah, tüshe thiyuro-lungkirü juhbo shuhkihbah.

MUNGSHIKHÜN 89:17

Tümüde nü a isa sühmüh müretahkhi lah, tüsho nü muzho ching nünü isa akuk ngüshih.

MUNGSHIKHÜN 89:18

Tümüde isa tsung ju Atungpuh yo ah, tüsho isa kiulongthsüpuh Israel Amüsüh Khülang kilim lah.

MUNGSHIKHÜN 92:10

Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

JEREMIA 17:14

I thsüngujang, thsüngujang, O Atungpuh , tüsho I athsüngubah; I khümkhitang, tümüde nü a inü mungshipü lah.

LUKNÜ ATHRÜTKHI THIYUSHEAK-ATSÜ HUHTANYU 1:52

Apinü wuto ju arü kiulongthsü-binkiu kheaknü akishih, tüsho akheamkhibe shuhkih.

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”

EFISIA 2:13

Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo.

EFISIA 2:17

Tüsho api arübah nüsa limshu tüsho phünide alarü ki mungtsü thsangyuthsangra;

EFISIA 2:19

Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung,

YUZÜNGTHALO 10:21

Api ju nünü mungshi jihpü lah, tüsho api ju harü ato tüsho atrebe rhimobo nü müknü ngüde arhimokhi nü Thrünpuh ah.

YUZÜNGTHALO 4:7

“Tümüde isanü Atungpuh isa Thrünpuh ki jikhi nangde, thrünpuhnü athüninkhi püpürü trükshih ato küju la?

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=