MUNGSHIKHÜN 147:5 - AMÜSÜH HÜM CL Bible (BSI)

⁵ Isa Tungpuh ju ato, tüsho wu ching tolah; api anikhitkhi makebin.

MUNGSHIKHÜN 147:5 Iomraidhean Croise

1 KIUTHSÜYUKHEAN 16:25

Tümüde ato ju Atungpuh , tüsho tode ashijihbe; api thrünpuhbo alala kurungkheak atrebe lah.

JOB HU H T ANYU 36:5

Tsükjide Thrünpuh a Wuto tüsho she amülim müjih; api anikhitkhi sühmüh ching Wuto lah,

MUNGSHIKHÜN 135:5

Tümüde Atungpuh ju ato ah de inü mükheahlah, tüsho isa Tungpuh ju thrünpuhbo alala kurungkheak lah.

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

MUNGSHIKHÜN 40:5

Nünü isa thsungkheak ahihdo rhimojih, O Atungpuh isa Thrünpuh; nü nangde sheshe müla! Nünü isa thsungkheak amüyinsahbe lümkhibo ahihdo thsüjih. Inü jurü alala mükhekhuk– jurü khekhi hihdaklah!

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

MUNGSHIKHÜN 96:4

Tümüde Atungpuh ju ato tüsho tode ashijihpü lah; api ju thrünpuhbo alala kurungkheak trepü lah.

MUNGSHIKHÜN 99:2

Atungpuh ju Zion ching ato ah, tüsho api ju mihtsürübo alala kumung achang ah.

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

DANIEL 2:20

Danielnü tha: “ Lün chingnü lün Thrünpuh mung müngühmühi thsang, tümüde lümlung tüsho wu api yo ah.

NAHUM 1:3

Atungpuhnü arünnü bukakhiukchoh tüshe wu ching ato, tüsho Atungpuhnü küdüdüshe amülimrü müthsümüchidüa mülachoh. Api limro ju chinthrüm tüsho tsüngpungtsüngpung ching lah, tüsho amobo ju api jing yo asungthulung ah.

ROMRÜ KILIM PAULNÜ ATHRÜTKHI KIHÜM HUHTANYU 11:33

Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!