MUNGSHIKHÜN 147:14 - AMÜSÜH HÜM CL Bible (BSI)

¹⁴ Apinü nüsa aredungyeanbo ching mungtsü thsüchoh, tüsho wheat hi atsüdaknü nüsa reangkeamshihchoh.

MUNGSHIKHÜN 147:14 Iomraidhean Croise

1 KIUTHSÜYUKHEAN 22:9

Kheahang, tsührü khülang nü kilim zübejihbah; api mungtsü mihtsürü labah. Inü thrip abande api riribo kheaknü api kilim mungtsü jihbah; tümüde api mung Solomon labah, tüsho inü api nimungbo ching Israel kilim mungtsü tüsho keamram jihbah.

MUNGSHIKHÜN 122:6

Jirusalem mungtsü thsungkheak tamkhüntamnüang: “Nü muzhorü latsühlayungde kamshang.

MUNGSHIKHÜN 132:11

Atungpuhnü thiyuro ching David ki thiyuchihchim thsü; apinü ju chingnü murholo: “Inü nü tsührü bolungnü khülang nü kiulongthsü-binkiu kheak binshihbah.

MUNGSHIKHÜN 132:15

Inü anihbe yihnüpü lakhi suhdahde müngühjihbah; inü anihbe zhochihkhi yikhapnü reangkeamshihbah.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 81:16

Inü nüsa a wheat hi atsüdaknü amütrübah, tüsho lungto ching yo mukhukenü nüsa reangkeamshihbah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

EZEKIEL 16:13

Junangde nü suna tüsho shotoyinchinü züt thsüjih; nü khimbo ju atsüdak khimzhingzhing tüsho amo-achak anüpnüp khim tüsho yakthsükhi lakheah. Nü tsühyungbe ju atsüdak ayikangkang, mukhuke tüsho oliv müdangke lakheah. Nü khide akhamde kam tüsho kiulongthsüberü khülang thsüpü asürü.

EZEKIEL 27:17

Juda tüsho Israel lominü nü lung yinzüyindo; wheat hi, minnith, danji, mukhuke, müdangke, tüsho molikenü nü kukrukbo müthriachih.

LEVI 26:6

Inü nüsa lo ching mungtsü lashihbah, tüsho nüsa zuh-a yapbah tüsho shenü nüsa mütreshih; inü lomi ching ahürhang shiwühbo yankhita bahbah, tüsho ju ching keochih mülade akambah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

YUZÜNGTHALO 32:14

Moshi chingnü niuhke kingkungkhi tüsho mihnu chingnü niuhke, namfimihnunu tüsho namfimihnupung müdang bede, Bashan namfimihnupung amokhitkhi, atsüdak wheat hi tüsho amokhitkhi yukhu nünü yung. @SP ACE=