MUNGSHIKHÜN 147:10 - AMÜSÜH HÜM CL Bible (BSI)

¹⁰ Apinü khora sühmüh ching masühchoh; apinü mihtsürü jingbo ching masüh.

MUNGSHIKHÜN 147:10 Iomraidhean Croise

2 SAMUEL 1:23

Saul tüsho Jonathan, amuzhodakkhi tüsho atsüdak! Rhangdung lachoki tüsho ashechoki ane mazü; ane müleangtopü kheaknü athribe lakheah, ane kekhüzübo kheaknü sühmüh lakheah.

JOB HU H T ANYU 39:11

Api sühmüh tomonü nünü ju kheak düthsün angüba de, tüsho nü rhimo api ki zojihba de?

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

MÜCHITMUDU 21:31

Khora ju thirithsü nimung thsungkheak thsakhamlah, tüshe akuk ngükhi ju Atungpuh yo.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”