MUNGSHIKHÜN 146:6 - AMÜSÜH HÜM CL Bible (BSI)

⁶ shepünü thüning tüsho alomi, keto tüsho ju ching lakhi alala thrün; shepünü lünnü thiyuro zocho,

MUNGSHIKHÜN 146:6 Iomraidhean Croise

THRÜNTAN 1:1

Atankih ching Thrünpuhnü thüningbo tüsho alomi thrün.

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 115:15

Yinmi tüsho alomi thrünrü, Atungpuhnü nüsa müngühshang.

MUNGSHIKHÜN 117:2

Tümüde api muzhodakkhi isa kilim tode lah, tüsho Atungpuh thiyuro lünnü rünkhiungde lah. Atungpuh shiang!

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

MUNGSHIKHÜN 89:2

Tümüde inü tha, “Mihmüthsüm lünnü rünkihde alabah; nünü yinmibo ching nü thiyuro lashihbah.”

MUNGSHIKHÜN 89:33

Judüalalashe I mihmuzho inü api kheaknü shahde muluakhin, yungsho I thiyuro lakhi mülade müthsüshih.

MUNGSHIKHÜN 95:5

Keto api yo, tümüde apinü ha thrün; tüsho api khahbonü alo akung kamkhitshih.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

JOHAN 10:34

Jisunü arü ki thalo, “Nüsa thrünpuhbo ah de Thrünpuhnü athakhi nüsa yakzan ching thrüta müla de?

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”