MUNGSHIKHÜN 145:19 - AMÜSÜH HÜM CL Bible (BSI)

¹⁹ Apinü anihbuh trerünü amulongkhi dünjishihbah; apinü arü zhikhi she asojihbah tüsho arü khümkhitbah.

MUNGSHIKHÜN 145:19 Iomraidhean Croise

1 KIUTHSÜYUKHEAN 4:10

Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

MUNGSHIKHÜN 20:4

Apinü nü mulongnü akünkhi mülüshang, tüsho nü lümkhi alala akuk ngüshang.

MUNGSHIKHÜN 34:17

Küyimki thiyuro-lungkirünü arung thsungkheak zhibanü Atungpuhnü alochoh, tüsho arü küpkhuk alala chingnü bekhitchoh.

MUNGSHIKHÜN 34:18

Atungpuh ju mulong tukthsürü thüninde lah, tüsho me thsümünima larü khümkhitchoh.

MUNGSHIKHÜN 34:9

Nüsa api yo amüsührübo, Atungpuh treang, tümüde api ki trerü a tümü she muzholüm.

MUNGSHIKHÜN 37:19

Amütsü kim ching arü achih müngü, tüsho khümzung nimungbo ching arü suhdahde alabah.

MUNGSHIKHÜN 37:4

Atungpuh lung asühang, tüsho nü mulongnü akünkhi apinü nü kilim jihbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MÜCHITMUDU 15:29

Atungpuh ju mihbukmuyuk kheaknü limshude lah, tüshe thiyuro-lungkirü tamkhüntamnükhi apinü sochoh.

MATHI 5:6

Thiyuro-lungki thsungkheak khümkethürirü asühpü, tümüde arü bukthsübah.

LUKNÜ ATHRÜTKHI THIYUSHEAK-ATSÜ HUHTANYU 1:53

Apinü khümde alarü atsübonü bukthsüshih, tüsho alarü khah keangkeang tsoshih.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 16:24

Kheakü khiungde nüsanü I mung chingnü tümü mükheang. Kheangang tüsho nüsanü angübah, junangde nüsa asühkhi suhdahde alabah.

1 JOHAN 5:15

Tüsho isanü tümüpürü kheangbanü apinü isa ki anijihchoh de isanü mükheahsho, isanü api ki mushukhi ngüdo de isanü mükheahchoh.