MUNGSHIKHÜN 145:15 - AMÜSÜH HÜM CL Bible (BSI)

¹⁵ Alala mükbonü nü kheak mükkin thsüde kheahchoh, tüsho nünü arü kilim akheahmünchi dükdü ching tsühyungbe jihchoh.

MUNGSHIKHÜN 145:15 Iomraidhean Croise

THRÜNTAN 1:30

Tüsho alomi ching lakhi shiwühbo, thüning wuhnubo tüsho alo kheak abübe alala kilim inü sangrung phüyakbo tsühyungbe thsüpü jihdo”; tüsho jude alakheah.

MUNGSHIKHÜN 104:21

Kekhüzü nunubonü arü jim Thrünpuh kilimnü yimchoh.

MUNGSHIKHÜN 104:27

Harü alalanü nü aleangchoh, junangde nünü akheahmünchi ching arü kilim tsühyungbe jihbah.

MUNGSHIKHÜN 136:25

shepünü rhangdung lakhi alala kilim tsühyungbe jihcho, tümüde api amüthsüm lünnü rünkhiungde lah.

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

JOEL 2:22

Dütre, nüsa mütüm shiwühbo, tümüde sunglo rimbo phüyaklah; sangdungbonü aso asochoh, khubaso tüsho kurungaso suhdahde lah.

MATHI 6:26

Thüning wuhnubo kheahang, arünü mümükhean yungsho müyimlu yungsho jakam ching mühanmukhungchoh; tütüshe yinmi ching nüsa Abuhnü arü akamchoh. Arü kheaknü nüsa alü adün lakhi yung de?

LUKNÜ ATHRÜTKHI THIYUSHEAK-ATSÜ HUHTANYU 12:24

Khüyakbo lümakheahang, tümüde arünü mümükhean yungsho müyimlu, kukruk-zowupug yungsho jakam müla; tüshe Thrünpuhnü arü yimkipchoh. Wuhnubo kheaknü küdükhüh nüsa adün achakbe la?

YUNIRÜBO RHIMO 17:25

Tüsho apinü tümükhüh künkhi nangde mihtsürü khahnü mükipduhchoh, tümütüsho apinü lang mihtsürü alala kilim rhang le sheak tüsho lüpdükhi jihchoh.