MUNGSHIKHÜN 145:1 - AMÜSÜH HÜM CL Bible (BSI)

¹ Inü nü shuhkihbah, I Thrünpuh, O kiulongthsüpuh; tüsho inü lünnü lün nü mung shibah.

MUNGSHIKHÜN 145:1 Iomraidhean Croise

1 KIUTHSÜYUKHEAN 29:13

Tüsho kheakü, isa Thrünpuh, isanü nü ki makshe jihchoh tüsho nü müretahkhi mung shichoh.

MUNGSHIKHÜN 100:1

Nüsa lomibo alala, Atungpuh ki asühde zhiang!

MUNGSHIKHÜN 118:28

Nü I Thrünpuh, tüsho inü nü shibah; nü I Thrünpuh, inü nü shuhkihbah.

MUNGSHIKHÜN 145:21

I münnü Atungpuh shikhi dünkheak asukbah, tüsho apinü athrünkhi alalanü api amüsüh mung lünnü lün shibah.

MUNGSHIKHÜN 146:2

I arhang lachoki inü Atungpuh shibah; I rhangdung lachoki inü I Thrünpuh ki müshikhibo khün thsübah.

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 30:1

O Atungpuh , inü nü shijihbah, tümüde nünü I shuhkih, tüsho I riribo I kurungkheak masühachihshih.

MUNGSHIKHÜN 30:12

Junangde I menü nü shijihbah tüsho zhikde müla. O Atungpuh I Thrünpuh, inü lünnü nü ki makshe jihbah.

MUNGSHIKHÜN 30:2

O Atungpuh , I Thrünpuh, arung thsungkheak inü nü ki zhi, tüsho nünü I thsüngu.

MUNGSHIKHÜN 34:1

Kim alala ching inü Atungpuh ki makshe jihbah, api shikhi mutuklode I mün ching labah.

MUNGSHIKHÜN 44:4

Nü I kiulongthsüpuh tüsho I Thrünpuh; nünü nü mihtsürübo kilim akuk ngüshih,

MUNGSHIKHÜN 45:1

I mulong ju mükkheahkih atsünü mikhiukde lah; inü athrütmukhungkhi kiulongthsüpuh ki khechoh; I mulo ju athrütpü thsakhama larü dosang nangde lah.

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

MUNGSHIKHÜN 5:2

Inü azhikhi düsheak sojang, I kiulongthsüpuh tüsho I Thrünpuh, tümüde inü nü ki tamkhüntamnüchoh.

MUNGSHIKHÜN 5:3

O Atungpuh , yapsu nünü I düsheak sochoh; ani akhiukchoki inü tamkhüntamnüchoh tüsho nünü alojihpü aleangchoh.

MUNGSHIKHÜN 52:9

Inü lünnü nü shijihbah, tümütüsho nünü ha rhimodo; tüsho nü yo amüsührübo miki inü nü tsülah de azhiyukbah.

MUNGSHIKHÜN 68:4

Thrünpuh ki api mung müshikhi khün thsang; shepü amobo kumung tsahchonü api ki achangnü khün thsang; api mung ju Atungpuh , tüsho api miki asühachihang.

MUNGSHIKHÜN 75:9

Tüshe inü lünnü akhipkhitbah, inü Jakob Thrünpuh kilim mungshi khünbo thsübah.

MUNGSHIKHÜN 95:3

Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

MUNGSHIKHÜN 96:2

Atungpuh ki khün thsang, api mung shiang; api akhümkhit thiyusheak atsü nimung aban zhiyukang.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 38:20

Atungpuhnü I khümkhitbah tüsho isa rhangdung amuyung, Atungpuh yam ching küngküngrarabe kingde khün thsübah.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.