MUNGSHIKHÜN 143:8 - AMÜSÜH HÜM CL Bible (BSI)

⁸ Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 143:8 Iomraidhean Croise

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 25:20

I rhangdung aheangang, tüsho I bekhitang; I achih düngüshih, tümüde I nü kheak tsoyukchoh.

MUNGSHIKHÜN 27:11

I ki nü limro thsangyuang, O Atungpuh ; I riribo hihlale I limro amukhiung ching beang.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MUNGSHIKHÜN 42:8

Atungpuhnü animuro kim ching api muzhodakkhi huhbah, tüsho are api khün I lung labah– I rhangdung Thrünpuh kilim tamkhüntamnü khülang labah.

MUNGSHIKHÜN 46:5

Ju kiuto ching Thrünpuh lah, tüsho ju küyimkishe müthsümünim; yapsu mükikde ju rungpü api arübah.

MUNGSHIKHÜN 5:8

O Atungpuh , I riribo thsungkheaknü nü thiyuro-lungki ching I beang; nü limro I miki langakindo kamshang.

MUNGSHIKHÜN 59:16

Tüshe inü nü sühmüh dünkheak khün thsübah; nü muzhodakkhi dünkheak inü yapsu achangnü khün thsübah. Tümüde nü I thsungkheak chipi tüsho I lümthsünü nimung ching I tsoyukpung ah.

MUNGSHIKHÜN 86:4

Nü yamlarü me asühshang, tümüde O Atungpuh , inü I me shuhkihchoh.

MUNGSHIKHÜN 90:14

O, nü amüthsümnü nahde isa reangkeamshang, junangde isa nimungbo alala ching isanü asühachihbah tüsho asühbah!

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

TÜZHOKHI 3:41

Isanü isa mulongbo, isa khahbo Thrünpuh kilim yinmi ching shuhkihanü.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

MAHKHAPRÜ 13:12

Tüsho Manoanü tha, “ Kheakü nü yubo dünjishang! Azübuh rhangdung yakli tüsho api rhimo tümü laba?”

1 SAMUEL 23:12

Judüki Davidnü tha, “ Keilah mihtsürünü I kilim arüabah tüsho I mihtsürünü Saul khah ching yüzahabahba de?” Atungpuhnü tha, “ Arünü nü khah ching azahbah.”